Medısına • 28 Aqpan, 2020

Basqosýlardy toqtatý kerek

46 retkórsetildi

Bul – jańadan paıda bolǵan vırýs. Onyń aǵymy qalaı bolatynyn eshkim boljap aıta almaıdy. Soǵan qaramastan, elimiz joǵary deńgeıde aldyn alý jumystaryn júrgizip, qatty qadaǵalaýǵa aldy. Alaıda aýrý basqa elderge taralýda. Ońtústik Koreıa men Italııada oqý oqyp, jumys istep jatqan otandastarymyz kóp. Endi elge keletin adamdar aýrýdy alyp kelýi múmkin. Ásirese saý tasymaldaýshylardan kóbirek qaýiptenýimiz kerek. Dárigerler de, ǵalymdar da mundaı adamdardyń bar ekenin dáleldedi, olar ózderi aýyrmaıdy, syrqattyń belgileri de bolmaıdy, biraq vırýs­ty tasymaldap, basqalarǵa juqtyrady.

Qytaıda derttiń taralýy eki esege azaıdy. О́ıtkeni saqtyq sharalaryna halyqtyń ózi kirisip ketti. Eń aldymen, jurtshylyq dalaǵa shyqpaı qoıdy. Vırýsty taratýǵa jáne juqtyryp alýǵa múmkindik qaldyrmady. Sosyn aýrý belgileri baıqala qalǵanda ózdiginen dárigerlerge habarlap, der kezinde emdeldi. Úkimet qansha aqsha bólip, dárigerler jumys istegenimen halyq shartty oryndamasa nátıjege qol jetkizbeıtin edi. Sondyqtan árbir adam eń aldymen ózi qarapaıym qaǵıdalardy ustanyp, saqtanyp júrýi kerek. О́ıtkeni bir adamnyń kesiri aınalasyndaǵy biraz adamǵa tıedi. Sondaı-aq basqosý, toılardy da múmkindiginshe ótkizbeý kerek.

 

Dınagúl BAEShEVA,

Astana medısına ýnıversıteti Balalar juqpaly aýrýlary kafedrasynyń meńgerýshisi

 

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Keshe

Uqsas jańalyqtar