Sport • 28 Aqpan, 2020

Koronavırýstyń kesiri tııýi múmkin

44 ret kórsetildi

О́tken jyldyń jeltoqsan aıyn­da Qy­taı­dyń Ýhan qalasynda paıda bol­ǵan derttiń saldarynan bıyl Ja­ponııanyń bas shahary – Tokıo­da ótetin jazǵy Olım­pııa oıyn­dary men Eýropanyń 11 elin­de uıym­dastyrylatyn fýtboldan Eýropa chem­pıonaty keıinge qaldyrylýy nemese múlde ótpeı qalýy múmkin.

Jyl basynan beri Qytaıda ótetin Olımpııa oıyndaryna joldama berýshi jáne basqa da halyqaralyq týrnırler ózge elge aýystyrylyp, sportshylarǵa jáne sporttyq jarystardy uıymdastyratyn elderge qıyndyq týdyrýda. Endi Covid-19 vırýsy tórt jylda bir ótkiziletin Olımpıadaǵa jáne Eýropa chempıonatyna da keri áser etýi múmkin dep boljanýda.

Halyqaralyq Olımpıada komıtetiniń ókili Dık Paýnd 2020 jylǵy Tokıo Olım­pıa­dasynyń bıyl ótýi nemese ótpeýi týraly naqty sheshim mamyr aıynyń sońynda habarlanatynyn aıtty. «Qaýipti epıdemııa Olımpıadaǵa deıin seıilip, barlyq básekeler óz ýaqytynda bastalady dep úmittenemiz. Sondyqtan mamyr aıynyń sońyna deıin kútý kerek. Eger barlyǵy biz kútkendeı bolmasa, Olımpıadany ótkizbeý nusqasyn da qaras­tyryp kóremiz», deıdi Paýnd.

Buǵan deıin Tokıo-2020 uıymdastyrý ko­mı­teti Olımpııa oıyndary úshin eriktilerdi daıyndaý máselesi keshiktirilip jatqanyn má­limdegen bolatyn. Al osydan birneshe kún buryn London Olımpıada komıtetinen bı­­yl­ǵy tórt jyldyqtyń basty dodasyn ótkizýge úmitker qala retinde usynysyn qarap kórýdi ótingen bolatyn. Brıtanııa astanasyn bas­qa­rýǵa negizgi úmitkerdiń biri Shon Beılı eger Ja­ponııada Olımpıada ótetin bolsa, koronavırýstan birneshe myń adam zardap shegetinin aı­typ, óziniń alańdaýshylyǵyn bildirgen-di. Ulybrıtanııa astanasy buǵan deıin 1908, 1948 jáne 2012 jylǵy jazǵy Olımpııa oıyndaryn ótkizgen bolatyn.

Sondaı-aq ÝEFA vıse-prezıdenti Mıkele Ýva da 12 maýsym men 12 shilde aralyǵynda ótetin Eýro-2020 týrnıri keıinge shegerilýi nemese bıyl ótpeı qalýy múmkin ekenin málimdedi. Dop dodasynyń 60 jyldyǵyna baılanysty ÝEFA tarıhta tuńǵysh ret týrnırdi 11 eldiń 12 qalasynda uıymdastyrýdy kózdep otyrǵan-dy.

«Qazirgi ýaqytta oqıǵalar barysyn qada­ǵalap otyrmyz. Eger vırýs budan ári órshı berse, amal joq týrnırdi keıinge shegerýge týra keledi. Bálkim Eýropa chempıonaty bıyl ótpeýi de múmkin. Biraq birinshilikti óz ýaqytynda ótkizýge tyrysamyz», deıdi Ývý.

Sońǵy jańalyqtar

Atyraýda jol boıynda traktor aýdaryldy

Aımaqtar • Búgin, 19:11

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Atyraýda jol apatynan 39 adam kóz jumdy

Aımaqtar • Búgin, 09:58

Uqsas jańalyqtar