Aımaqtar • 01 Naýryz, 2020

Aqtaýda «Biz-Jeńistiń muragerimiz» taǵzym estafetasy ótti

48 retkórsetildi

Aqtaý qalasyndaǵy «Máńgilik ot» monýmentinde Jeńistiń 75 jyldyǵyna oraı «Biz-Jeńistiń muragerimiz» atty taǵzym estafetasy uıymdastyryldy.

Respýblıkalyq taǵzym estafetasy Ishki ister mınıstri polısııa general-leıtenanty Turǵymbaev Erlan Zamanbekulynyń nusqaýymen bastalǵna bolatyn. Bul týraly Mańǵystaý oblystyq Polısııa departamenti habarlady.

Dańqty jaýyngerlik joly Máskeýden Berlınge deıin jalǵasqan Keńes Odaǵynyń Batyry general-maıor I.V.Panfılov atyndaǵy 8-shi gvardııalyq motoatqysh dıvızııasynyń Jaýyngerlik Týynyń kóshirmesin tapsyrý úshin saltanatty túrde sherý ótti.Bul estafetanyń maqsaty – ekinshidúnıejúzilik soǵystaǵy qazaqstandyq jaýyngerlerdiń uly erlikterine taǵzym etý, shaıqasta qaza bolǵan jáne soǵystan keıingi ýaqytta ómirden ozǵan ár sarbazdyń jeke erligi aldynda bas ıip, qurmet kórsetý.

Estafeta barysynda Jaýyngerlik Týdyń kóshirmesi 3 respýblıkalyq mańyzy bar qalada, 14 oblys ortalyǵynda bolady.

Qazaqstan aýmaǵy boıynsha joldyń uzyndyǵy temirjol jáne avtomobıl jolymen 11 myń shaqyrymdy quraıdy.

5 aqpannan bastap búgingi kúnge deıin Jaýyngerlik Tý kóshirmesi Almaty, Qaskeleń, Uzynaǵash, Qarakemer, Taldyqorǵan, Taraz, Shymkent, Túrkistan jáne Qyzylorda, Atyraý qalalarynda boldy.

Ári qaraı Tý elimizdiń 9 iri qalalaryna óz jolyn jalǵastyryp, keıin 7 mamyr kúni Nur-Sultan qalasynda ótetin Jeńis paradynda óz jolyn aıaqtaıdy.

Sharada Mańǵystaý oblysy ákimdigi, Polısııa departamenti, áskerı bólimder basshylary, ekinshidúnıejúzilik soǵys ardagerleri sóz sóıledi.

Alańda quqyq qorǵaý organdary men áskerı bólimderdiń jeke quramy birinen soń biri sap qurady. Saltanatty jıynǵa jınalǵan jurt óz jandaryn beıbit ómir úshin qıǵan jaýyngerlerdiń rýhyn bir sát únsizdikpen eske aldy.

Sherýdi 8-shi gvardııalyq dıvızııa jeke quramy bastap, Qazaqstan Respýblıkasy Ulttyq ulan, Teńiz jaıaý áskeri, Polısııa departamenti, Tótenshe jaǵdaılar departamenti, Qylmystyq-atqarý júıesi departamentimen qosa barlyq áskerı bólimderdiń jeke quramy sap túzep júrip ótti.

Sonymen qatar, «Jas sarbaz» áskerı-patrıottyq klýbynyń tárbıelenýshilerinen quralǵan quram da sherýmen birge boldy.

Qazirgi tańda Qazaqstannyń Qarýly kúshteri qatarynda surapyl soǵysta Jeńisti jaqyndatqan atalarymyz ben apalarymyzdyń urpaǵy, nemereleri men shóbereleri qyzmet etedi. Quqyqtyq tártip áskeriniń jaýyngerleri aǵa býynnan estafetany qabyldap, olardyń dańqty jáne jaýyngerlik dástúrlerin ózderinińeren eńbekterimen jalǵastyryp keledi.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar