О́tken jyly oblysta «Rýhanı jańǵyrý» baǵdarlamasy aıasynda jobalar sany 200-den 1 myńǵa deıin ósken. Oblys turǵyndary usynǵan qyzyqty ıdeıalardy kásipkerler qyzý qoldap otyrǵan. Mysaly, búgingi kúnge deıin ómir súrýdi jaqsartý boıynsha 25-ten astam joba mesenattar tarapynan qarjylandyrylǵan jáne iske asyrylǵan.
– Qaıyrymdylyq aksııalarǵa qatysatyn áleýmettik jobalar men adamdar sany arta bastady. Áleýmettik jobalardyń kópshiligin mesenattar men eriktiler júzege asyrady. Iаǵnı, 88 myń kásipkerlik sýbektiniń jartysy – «Rýhanı jańǵyrý» baǵdarlamasyn júzege asyrýǵa qatysatyn bizdiń belsendi kásipkerlerimiz, – dedi Gúlnár Qurbanbaeva.
Sondaı-aq brıfıngte Qaraǵandy oblysy ákiminiń «Rýhanı jańǵyrý» baǵdarlamasyn júzege asyrý máseleleri boıynsha shtattan tys keńesshisi Bekzat Altynbekov aǵymdaǵy jylǵa arnalǵan josparlar týraly baıandady. Eń birinshi kezekte óskeleń urpaqty otansúıgishtik rýhta tárbıeleýge aıryqsha kóńil bólinetinin atap ótti ol.
– Bıyl óńirde birneshe joba júzege asyrylady. Mysaly, Abaıdyń 175 jyldyǵyna arnalǵan is-sharalar aıasynda «Abaıdyń inileri – qazaqtyń irileri» atty poezııa kúnin ótkizý josparda bar. Sondaı-aq, bıyl Qaraǵandy oblysynyń «100 jańa esim» anyqtalyp, ár aýdan men qala boıynsha kórnekti tulǵalardyń tizimi jasalady. Qasıetti jerlerdiń saıty jáne olarǵa jolsiltemeler ázirlenedi. Sonymen qatar «Týǵan jerge týyńdy tik» atty jerlester forýmyn ótkizbekpiz, – dedi Bekzat Altynbekov.
Brıfıngke qatysqan oblystyq ishki saıasat basqarmasynyń basshysy Erlan Qusaıyn bıyl jarııalanǵanyna úsh jyl tolǵan «Rýhanı jańǵyrý» baǵdarlamasynyń aıasyndaǵy jumystarǵa jergilikti atqarýshy bılik tarapynan aldaǵy ýaqytta da aıryqsha mán beriletinin atap ótti.
QARAǴANDY
