Qoǵam • 02 Naýryz, 2020

Qazaqpen bite qaınasyp kettik

594 retkórsetildi

Biz qazaq aýylynda týyp-óstik, anamyz alty ul men qyzdy aman-esen jetildirdi. Ákem soǵys múgedegi edi, erte qaıtys boldy. Ujymshardyń tóraǵasy Álken aǵaı únemi bizdiń úıge qarasyp, bir sıyrymyz ben bes-alty usaq tuıaqtyń jem-shóbin, úıimizge jaǵatyn otynnyń kem bolyp qalmaýyn kózinen tasa qylmaı, qadaǵalap júretin.

Biz qazaq mektebinde oqydyq, qazaq balalarynyń ortasynda óstik. Mektepte oqytatyn qazaq ádebıeti men tilin qazaqtardan artyq bilmesek, kem bilgen joqpyz. Bizben birge bir nemis, sosyn ýkraın balasy da oqydy. Kóptegen qazaq balasy sııaqty biz de orysshaǵa ıkemsizdeý bolyp óstik. Qazaqsha óleńder men ánderdi jurttan buryn jattap alatynbyz. Anam Ánıpa keıbir qazaq sózderin durys aıtpaı, tatarshylasa kúletin edik. Qazaqsha qalaı durys aıtý kerektigin úıretetinbiz. О́zi barlyq kórshiles qazaq áıel­derimen tatý boldy. Qoly is­mer edi. Uzatylatyn qyz­dyń, túsetin kelinniń – barlyq toı-tomalaq bolatyn úıdiń jasaýlaryna meniń anam belsene qatysyp júretin. Bir úıde toı bolsa, biz qýanatynbyz, óıtkeni sheshemiz sol úıden ylǵı ystyq sorpa-sýan ala kelip, bizdi bir toıdyratyn.

Qazaqtar meıirimdi halyq qoı. Eshqashan bizdi basqa ultsyń dep shettetken emes. Biz bárimen de týystary sekildi aralasatynbyz. Bizdiń eń kishimiz Ramılden basqamyzdyń bári qazaqpen otaý qurdyq. Qyzdarymyz da qazaqqa turmysqa shyǵyp, qazir qazaq otbasylarynyń tútinderin tútetip otyr.

Men qazaq ortasynda ósip, qazaqtarmen tyǵyz ara­­­las­qanymdy ózimniń bir ba­­qytym dep sanaımyn. Biz barlyq qazaq dástúrin ózimizge qabyldaǵanbyz. Bas­qa halyqtardikin syı­laǵa­ny­myz­ben dál bizdikindeı emes eken dep kemshilik taýyp turamyz. Kishi inim Ramıl tatar qyzyn aldy. Sonda olardyń quda kútýlerine kóńilimiz tolmady. Bizdegi sııaqty et asyp, astaý toly qazy-qarta bolmaǵan soń biz tatardyń bálish-málishterine qanaǵattanbadyq. Úıge kelgen soń qaıtadan ózimizshe et asyp edik...

Búgingi Alǵys aıtý kúninde men aldymen qazaq halqyna rıza­­shy­lyǵymdy bildirgim keledi. Bul halyqtyń meıirimi mol, júregi keń. Eshqashan esh­kimge alaýyzdyq jasamaıdy. Son­dyqtan qazaq halqy jasaı bersin dep tileımin.

 

Rashıd GATAÝLLIN,

«Tatar-bashqurt» etnomádenı ortalyǵynyń múshesi,

qart ustaz

 

Soltústik Qazaqstan oblysy

 

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar