Aımaqtar • 02 Naýryz, 2020

Beıbit dáýirge jetkizdi

13 retkórsetildi

Kóktemniń alǵashqy kúnimen tuspa-tus kelgen Alǵys aıtý kúniniń mánin kezinde taǵ­­­dyr taýqymetin tartyp, de­­­por­tasııanyń ashy dámin sez­­­gen etnostardyń búgingi ur­­­paq­­tary jaqsy biledi. Keńes­­tik qýǵyn-súrgin sal­da­­r­y­­nan týǵan jeri­nen kúsh­­tep qonys aýdarylǵan ata-ba­ba­myz sol dáýirdegi sola­qaı saıa­sattyń qurbany boldy. 

Mıllıondaǵan adam mal artatyn vagondarmen Qazaqstanǵa jetkizildi. Myńdaǵan jan jolda úsip, ashtyqtan, aýrýdan jan tapsyrdy. Túrli sebep-syltaýmen qazaq jerine jetkizilgen jandarǵa keńestik bılik jaǵdaı jasaǵan joq. Kerisinshe kúnin zorǵa kórip otyrǵan qazaqtardyń moınyna qosymsha júk artty. 

Qolyndaǵy nany men qorjyn tamyn teń bólisken qazaqtar etnos­tardy óz baýyryndaı kórdi. Zaman tar bolǵanymen qara­pa­ıym qazaqtardyń yqylas-peıili, meıirbandylyǵy jáne adamı janashyrlyǵy bizdiń beıbit dáýirge jetýimizge sep boldy.

Sózdiń ashyǵy – áýeli Allanyń, sosyn qazaq halqynyń demeýiniń arqa­synda biz osy kúnge aman-esen jettik. Sondyqtan bizge kezinde pana bolǵan Qazaq eline árdaıym alǵys aıtamyz.

Biz qazaqstandyqpyz! Iá, bizdiń túrimiz, tilimiz ózgeshe bolǵanymen, elimiz, túbimiz, dilimiz bir. Eń bastysy – bir eldiń azamatymyz. О́z kezeginde osy eldiń  nanyn jep, jylýyn sezgen barlyq etnos búgingi jetken jetistigi úshin Qazaq eline árdaıym qaryzdar.

Biz bir ekenimizdi qurǵaq sózben emes, naqty ispen kórset­kenimiz jón. Dál qazir qazaqtyń sózin sóılemegen ulttyń ózge jerde óziniń namysyn qorǵaı alady degenge men senbeımin.

Aldyńǵy býynnyń amanaty men ózindik ar aldynda biz – osy el­ge, osy jerge árdaıym qaryzdar­myz!

Endeshe janymyzdaǵy ja­qyn jan­darǵa alǵys aıtýdan jalyq­paıyq.

Laıym, birlik jolynda bir sapqa turý­dan jańylmaıyq.

 

Arzý GÝRBANOVA,

Shymkent qalasy Ázerbaıjan etnomádenı birlestigi tóraǵasynyń orynbasary

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar