Tanym • 02 Naýryz, 2020

Salbýryn – mereke ǵoı saıatshyǵa

31 retkórsetildi

Taqyryp málim, kórkem shyǵarma jeterlik. Mán-maǵynasyn tereń túısin de mánerlep oqyp, júrek­terge jetkize bil. Túrkistan oblysy, Túlkibas aýdanynda ótken dás­túrli «Salbýryn – mereke ǵoı saıat­shyǵa» atty is-shara bıyl ja­ńa formatta ótti.

Qansonarda búrkitshi shyǵady ańǵa,

Tastan túlki tabylar ańdyǵanǵa.

Jaqsy at pen tatý joldas – bir ǵanıbet,

Yńǵaıly yqsham kıim ańshy adamǵa.

Ata-babamyzdan qalǵan dás­túrdi keıingi urpaqqa nasıhattaý maqsatynda saıatshylar merekesi bul joly ál-Fara­bıdiń 1150 jyl­dyǵy jáne uly oıshyl Abaı Qunanbaıulynyń 175 jyldyq me­reıtoıymen baılanystyryla kórkemsóz oqý sheberleriniń baıqaýy retinde uıymdastyryldy. Qazaq tiliniń kórkemdik ereksheligin, baı sózdik qoryn nasıhattaý, ál-Fara­bı, Abaı jáne basqa da klas­sık­terdiń shyǵarmalaryn oryndaý arqyly kórkem ádebıetke jastardyń yqylasyn arttyrýdy maq­sat etken baıqaýda júldeli orynǵa laıyqtylar kóp boldy. Is-shara barysynda kó­rermenderge uly tulǵalardyń ómir jo­lyna jáne saıatshylyq dástúrge qa­tysty kórme uıymdastyrylyp, oblys jáne aýdan ónerpazdary tarapynan án-shashýlar tartý etildi. Jeńimpazdardy marapattaý rásiminde sóz alǵan aýdan ákiminiń orynbasary B.Ahmetov Elbasynyń «Bolashaqqa baǵdar: rýhanı jańǵyrý» jáne «Uly dalanyń jeti qyry» maqalalary aıasynda ulttyq salt-dástúrdi buqara halyq arasynda nasıhattaýdyń mańyz­dylyǵyn atap ótti.

Baıqaý qorytyndysy boıynsha I oryndy Maǵjan Bekeev jeńip alsa, II orynǵa Nursezim Kúndebaı, Alýa Ke­ńesbaı ıe boldy, al III orynǵa As­mıra Abdalıeva men Meıirhan Topan­baı laıyq dep tanyldy. Jeńimpazdarǵa aýdan ákiminiń alǵys haty men sertıfı­kattar tabys etildi. Aıta keteıik, soń­ǵy jyldary óńirdiń árbir aýdan, qa­la­larynyń tabıǵı erekshelikterine saı túrli is-sharalar ótkizilip keledi.

 

Túrkistan oblysy

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar