Aımaqtar • 02 Naýryz, 2020

«Qoǵamǵa qyzmet» jobasy – volonterliktiń bastaýy

38 retkórsetildi

Aqtaý qalasyndaǵy irgeli oqý orny Yessenov University bilim men tárbıeni ushtastyra júrgizip keledi. Aımaqtyń áleýmettik-mádenı ómiriniń qozǵaýshy kúshi retinde áreket etetin áleýmettik jaýapty ýnıversıtet qalyptastyrý maqsatyn júzege asyrý jumystary munda júıeli jolǵa qoıylǵan. «Qoǵamǵa qyzmet» jobasyn osy baǵyttaǵy súbeli isterdiń biri deýge bolady.

«Qazaqstan halqy Assam­bleıa­sy» kafedrasynyń janynda 2018-2019 oqý jylynan beri stýdent jastardyń vo­lon­terlik belsendiligin qa­lyp­­tastyryp, aımaqtaǵy áleý­mettik máselelerdi sheshýge ba­ǵyttalǵan «Qoǵamǵa qyzmet» ın­novasııalyq, oqý-ádistemelik ortalyǵy jumys isteıdi. 2019 jyldyń sáýir aıynda Qazaqstan Respýblıkasynyń Prezıdenti Qasym-Jomart Toqaev Aqtaý qalasyna jumys sapary barysynda ortalyqtyń qyzmetimen tanysyp, oń baǵasyn bergen bolatyn.

Ortalyqtyń qyzmeti volon­terlik jumystyń ne­giz­gi salalary boıynsha qoǵam­dyq áreketterdi jú­zege asy­rýǵa baǵyttalǵan «Qo­ǵamǵa qyz­met» páninen teo­rııalyq já­ne tájirıbelik dáris be­rýmen baılanysty. Qazirgi ýa­qytta stý­denttik jobalar keli­simshart negizinde 20-ǵa jýyq qala me­kemelerinde júzege asyrylyp, 2018-2019 oqý jylynda 1200 stýdent, 2019-2020 oqý jylynda 1570 stýdent dáris alýda. Áleý­­mettik, ekologııalyq, máde­nı, sport salasyndaǵy volon­ter­lerdiń 200-den astam jobasyn júzege asyrdy.

Derekterge súıensek, elimizde 700 myńnan astam múgedek jan bar. Mańǵystaý oblystyq áleý­mettik qorǵaý organdarynda 27 myń múgedek tirkelgen, onyń ishin­de 5188-i – múgedek bala, bul múgedekterdiń jalpy sanynyń 20%-y, sal aýrýyna shaldyqqan – 290 bala, aýtızmmen aýyratyn – 92 bala, Daýn sındromymen aýyratyn 65 bala bar. 132 qarııa qarttar úıinde, 33 bala arnaıy balalar úıinde turady. Ýnıversıtettiń «Qoǵamǵa qyz­met» jobasy aıasyn­da stýdentter múgedek jandar men qarttar úıine, balalar úıine tu­raqty baryp, óz qolǵabystaryn kórsetip keledi.

Jýyrda «Qoǵamǵa qyzmet» ortalyǵy Qazaqstan halqy As­sam­bleıasynyń ǵımaratynda «Mań­ǵystaý oblysynda Volon­terler jylynyń ashylýyna ar­­nalǵan «VOLUNTEERS MANGYSTAU-2020» atty salta­nat­­ty shara uıymdastyrdy.

Mańǵystaý oblysy ákiminiń orynbasary Q.Jumashev, memle­kettik mekemelerdiń, úkimettik emes uıymdardyń, bıznes qury­lymdardyń, aımaqtyq BAQ ókil­deri, Yessenov University-diń (YU) basshylary, oqytýshylary, stý­dentteri, barlyǵy 350-den as­­tam adam qatysqan is-shara aıasynda Mańǵystaý oblysy QHA-nyń Volonterler qozǵalysy orta­lyǵynyń ashylýy, QHA ka­fedrasynyń quramyndaǵy «Qo­ǵamǵa qyzmet» ınnovasııalyq oqý-ádistemelik ortalyǵynyń qyzmetimen tanystyrylymy ót­ti. «Qoǵamǵa qyzmet» páni bo­ıynsha oryndalǵan vo­lon­terlik qyzmettiń ár­túr­­li ba­­ǵyt­taryndaǵy stý­denttik jo­­­ba­lar­dyń kórmesi uıym­das­­­ty­ryldy. Stýdentter óz jumys­tarymen tanystyryp, bolashaq josparlarymen bólisti.

Saltanatty jıyn N.Jan­tórın atyndaǵy oblystyq mý­zy­kalyq-drama teatrynyń Sa­byr Adaıdyń «On segiz myń ǵalam jáne ksenofobııa derti» shy­ǵar­masyna negizdelgen áde­bı qoıylymymen ashylyp, qa­tysýshylarǵa «Qoǵamǵa qyz­met» ortalyǵynyń jumysy týraly beınerolık kórsetildi.

Aımaqtaǵy volonterler qoz­ǵalysynyń damýyna, «Qoǵamǵa qyzmet» jobasyna qoldaý kór­setken adamdarǵa izgiliktiń, rý­hanı kelisimniń gýmanıstik mu­rattaryna jasaǵan qyzmetteri úshin alǵys hattar berildi. Múm­­kindigi shekteýli jandarǵa ar­nalǵan sport kesheniniń, damý múm­kindigi shekteýli balalarǵa arnalǵan №3 arnaýly áleýmettik qyzmetter kórsetý ortalyǵy tár­bıelenýshileri stýdentter­men birlese óner kórsetip, sońy «Mań­­ǵys­taý volonterleri» atty mere­kelik fleshmobpen aıaqtaldy.

Qoǵamǵa qyzmet etý – bul «kó­mek berý» ustanymyn tań­daý, álemdegi meıirimdilikti dárip­teý, álemdi danalyqpen jáne súıis­penshilikpen tolyqtyrý, múm­kindigi shekteýli jandardyń muq­tajdyqtary men qaıǵysyna jaýap berý. Al bul qasıetter biz­diń halqymyzdyń boıynda, qa­nynda bar. Aqtaýdaǵy Yessenov University stýdentteriniń qaıy­rym­dylyq, meıirimdilik, izgilik jobasyn eki jyl buryn qolǵa alyp, jan-jaqty júrgizip kele jatqany qýantady. Stýdent­ter osy eki jyldyń ishinde qan­­­­­shama jarymjan jáne ja­byr­qaý jandardyń janynan ta­bylyp, qoltyǵynan demep, kóńiline qýanysh syılady de­seńizshi?! Jastardyń el-jur­tyna qaıyrymdy bolýy, qor­shaǵan ortaǵa jylyshyraı-jana­shyrlyqpen qaraýy – basty qajettilik, basty qýanysh.

– Sondyqtan aýqymdy, ma­ńyzdy ıgi iske tek stýdentter qa­ýymy emes, búkil qoǵamnyń mú­sheleri atsalyssa, muqtaj jan­dar­ǵa qol ushyn sozyp, qandaı salada bolsyn ıgilikti ister tyn­­dyrýǵa daıyn bolsa, eli­miz­­de ınklıýzıvti qoǵam qalyp­tasatyny sózsiz, – deıdi jobaǵa bastamashy bolǵan oqý ornynyń basshysy Berik Ahmetov.

 

Mańǵystaý oblysy

 

Sońǵy jańalyqtar

Qarttar úıindegi qasiret

Aımaqtar • Búgin, 10:49

.Daǵdarys daýylyna tosqaýyl - J. Nurabaev

Ekonomıka • Búgin, 10:45

Fýtbol: Para aldy dep aıyptalýda

Sport • Búgin, 09:38

Úkimet otyrysy ótip jatyr

Úkimet • Búgin, 09:20

Kómek alý ońtaılandyrylady

Saıasat • Búgin, 08:25

Infeksııanyń taralý qarqyny tómendedi

Koronavırýs • Búgin, 08:05

Senimge serpin bergen málimdeme

Qoǵam • Búgin, 08:02

Alǵashqy vırtýaldy sot otyrysy

Saıasat • Búgin, 08:00

Ár azamat atsalysýy tıis

Rýhanııat • Búgin, 08:00

Koreıadan kelgen qyz

Rýhanııat • Búgin, 07:50

Irkilis bolmaıdy

Aımaqtar • Búgin, 07:45

Balalarymdy saǵynsam da...

Medısına • Búgin, 07:45

Qaýipti indetpen qalaı kúresýde?

Aımaqtar • Búgin, 07:45

Jemqorlyqpen kúres jalǵasyn tabýda

Saıasat • Búgin, 07:40

Apatpen oınamaıyq, oılanaıyq aǵaıyn...

Rýhanııat • Búgin, 07:40

Jeńildetilgen nesıe jetken joq

Ekonomıka • Búgin, 07:38

Kıdim kamzol

Rýhanııat • Búgin, 07:35

Daǵdarys daýylyna tosqaýyl

Ekonomıka • Búgin, 07:35

Fermerler ýaqytpen sanaspaıdy

Saıasat • Búgin, 07:35

Tótenshe toqsan

Qoǵam • Búgin, 07:30

El ekonomıkasy eleýsiz qalmaıdy

Saıasat • Búgin, 07:30

Sý tasqyny bastaldy

Aımaqtar • Búgin, 07:28

Jumys isteý úshin qajetti jabdyqtar

Aımaqtar • Búgin, 07:27

Halyqtyń birtutastyǵy

Tanym • Búgin, 07:16

Pálsapa – Bekzat sana

Rýhanııat • Búgin, 07:15

Daladaǵy dúbirge daıyn

Aımaqtar • Búgin, 07:15

Baǵany turaqtandyrýda oń nátıje bar

Ekonomıka • Búgin, 07:13

Uqsas jańalyqtar