Qazaqstan • 02 Naýryz, 2020

Úkimet saýdany damytýdyń jańa tujyrymdamasyn bekitti

28 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda Saýdany damytýdyń 2021-2025 jyldarǵa arnalǵan memlekettik baǵdarlamasy tujyrymdamasynyń jobasy qaraldy. Bul týraly Premer-Mınıstrdiń baspasóz qyzmeti habarlady.

Tujyrymdamamen saýda jáne ıntegrasııa mınıstri B. Sultanov tanystyrdy, Dúnıejúzilik banktiń ókili Sh. Rahardja men Premer-Mınıstrdiń Birinshi orynbasary – qarjy mınıstri Á. Smaıylov elimizde saýdany damytýǵa qatysty máseleniń ózektiligi men tásilderi týraly baıandama jasady.

Saýda Qazaqstannyń JIО́-niń 17%-yn quraıdy. 2019 jyldyń qorytyndysy boıynsha salanyń ósý qarqyny 7,6%-dy qurady, al jumyspen qamtylǵan qyzmetkerlerdiń sany 1,4 mln adamǵa jetti. Qazaqstannyń syrtqy saýda aınalymy – $96,1 mlrd, onyń ishinde eksport – $57,7 mlrd jáne ımport $38,4 mlrd qurady. Ishki taýar aınalymy 37,5 trln teńgeden asty, bul 2018 jylmen salystyrǵanda 11%-ǵa artyq.

Ázirlenip jatqan memlekettik baǵdarlamanyń maqsaty — naryqty sapaly ónimmen tolyqtyrýdy jáne eksporttyq taýarlar men qyzmetterdiń básekege qabilettiligin qamtamasyz etetin zamanaýı saýda júıesin qurý jáne damytý.

Negizgi mindetter retinde ónimniń sapasy men qaýipsizdigin arttyrý, saýda salasynda sapaly adamı kapıtaldy qalyptastyrý, ońtaılandyrylǵan sıfrlyq saýda prosesin qamtamasyz etý, kóp formatty saýda-taratý ınfraqurylymyn, qolaıly tutyný ortasyn qurý, shıkizattyq emes taýarlar men qyzmetterdiń ımporty men eksportyn ártaraptandyrý, ishki jáne syrtqy naryqtarda otandyq taýar óndirýshiler úshin qolaıly jaǵdaılar jasaý anyqtaldy. 

Aldyn ala baǵalaý boıynsha, Memlekettik baǵdarlamany júzege asyrýǵa jeke ınvestısııalardy qosa alǵanda shamamen 285 mlrd teńge qajet. Josparlanǵan mindetterdi oryndaý 2025 jylǵa qaraı saýdanyń ortasha jyldyq jalpy qosylǵan qunyn 106,2%-ǵa arttyrýǵa, ulttyq standarttardy qoldaný deńgeıin 41%-dan 75%-ǵa deıin arttyrýǵa, taýarlar men qyzmetterdiń shıkizattyq emes eksportyn $41 mlrd-qa deıin ulǵaıtýǵa, bólshek taýar aınalymynan elektrondy saýda úlesin 10%-ǵa deıin arttyrýǵa múmkindik beredi.

Memlekettik baǵdarlamada taýar ótkizý júıesin qalyptastyrý, bırjalyq, shekara mańy jáne elektrondyq saýdany damytý, tehnıkalyq retteý jáne tutynýshylardyń quqyqtaryn qorǵaý quraldaryn jetildirý sharalary qarastyrylatyn bolady.

Úkimet basshysy Saýda jáne ıntegrasııa mınıstrligine osy jyldyń 1 shildesine deıin Memlekettik baǵdarlamanyń jobasyn Úkimetke engizýdi qamtamasyz etýdi, ortalyq jáne jergilikti atqarýshy organdarǵa – qujatty ázirleýge belsene qatysýdy tapsyrdy.

«Qujatta qolaıly tutyný ortasyn qurýǵa, halyqty sapaly jáne qaýipsiz taýarlarmen qamtamasyz etýge, sondaı-aq qazaqstandyq taýarlar men qyzmetterdiń syrtqy naryqtarda básekege qabilettiligin arttyrýǵa baǵyttalǵan baǵdar ornatylýy tıis. Sondaı-aq halyqaralyq yntymaqtastyq aıasynda ulttyq múddelerdi qorǵaý jáne ilgeriletý ázirlenip jatqan baǵdarlamanyń basty maqsattarynyń biri bolýy tıis», — dedi A. Mamın.

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Uqsas jańalyqtar