«Ujymdyq shart – bul kompanııanyń áleýmettik saıasatynyń negizi. 2016 jylǵy jeltoqsanda qol qoıylǵan burynǵy Ujymdyq shart óz qoldanysyn aıaqtady. Sharttyń jańa redaksııasy aldyńǵy jylmen salystyrǵanda jańartyldy. Buǵan kompanııanyń óndiristik bólimsheleriniń eńbek ujymdary bergen usynystary yqpal etti», dep atap ótti «QazTransOıl» AQ-nyń bas dırektory Dımash Dosanov.
«QazTransOıl» AQ Qazaqstannyń 11 óńirinde jumys isteıdi. Kompanııanyń jumyskerleri – joǵary básekelestik pozısııalardy qamtamasyz etetin negizgi strategııalyq kapıtal. Sondyqtan eńbek jaǵdaılaryn, syıaqy jáne yntalandyrý júıesin únemi jetildirý, sondaı-aq jumyskerlerdi oqytýdy damytý jáne áleýmettik qoldaý deńgeıin arttyrý kompanııanyń kadr saıasatynyń negizgi basymdyqtary sanalady.
Jańa Ujymdyq sharttyń negizgi aıyrmashylyǵy – eńbekaqy tóleýdiń jańa júıesi. Osy júıe aıasynda 2020 jylǵy
1 naýryzdan bastap:
- negizgi óndiris jumysshylary jalaqysynyń ósýi;
- «QazTransOıl» AQ óndiristik bólimsheleri jumyskerleriniń eńbekaqysynda bar sáıkessizdikterdi qysqartý;
- jumys kásipterin negizgi óndiriske, kólik salasyna jáne qyzmet kórsetýshi ujymǵa bólý;
- «QazMunaıGaz» UK AQ-ǵa uqsas kompanııanyń óndiristik ujymy úshin biryńǵaı syıaqy júıesin engizý kózdeledi.
Ujymdyq shart «QazTransOıl» AQ jumyskerlerine Qazaqstan Respýblıkasynyń eńbek zańnamasynda belgilengen deńgeıden tómen emes áleýmettik qorǵaý kepildigin qamtamasyz etedi. Onda mynadaı negizgi áleýmettik jeńildikter qarastyrylǵan:
- erikti medısınalyq saqtandyrý týraly shart jasasý arqyly medısınalyq qyzmet kórsetý múmkindigi;
- bala 1,5 jasqa tolǵanǵa deıin bala kútimi boıynsha demalystaǵy jumyskerlerge aı saıynǵy járdemaqy tóleý;
- jas balalary bar áıelderge jumys ýaqytynyń ıkemdi kestesi;
- 1,5 jastan 6 jasqa deıingi balany (balalardy) asyraýǵa aı saıynǵy tólemder;
- demalys kezinde balalardyń lagerlerdegi demalys qunyn bir aýysymda 30 eselengen aılyq eseptik kórsetkishten aspaıtyn mólsherde óteý;
- kompanııanyń ishki qujattarynda belgilengen tártippen turǵyn úı jaldaý boıynsha shyǵystardy óteý.
Atalǵan qujattyń qosymsha jeńildikteri retinde mektepke deıingi jáne (nemese) mektep jasyndaǵy balalary bar kóp balaly jumyskerlerge (zańdy ókilderdiń birine) 2 kúnge qosymsha aqyly eńbek demalysyn berý boldy. Sondaı-aq 10 jyldan astam úzdiksiz jumys ótili bar jumyskerler kompanııa qarajaty esebinen sanatorııalyq-profılaktıkalyq emdeýden ótýge múmkindigi bar.
Ujymdyq shartqa qol qoıý rásimi aıasynda «QazTransOıl» AQ ujymy «Qazaqstandyq munaı-gaz kesheniniń salalyq kásiptik odaǵy» qoǵamdyq birlestiginiń alǵys hatymen jáne «Áleýmettik seriktestik úshin» arnaıy syılyǵymen marapattaldy.
Aıta ketelik, «QazTransOıl» AQ – magıstraldy munaı qubyry boıynsha Qazaqstan Respýblıkasynyń ulttyq operatory. «QazMunaıGaz» UK AQ tobyna kiredi. Uzyndyǵy 5,4 myń shaqyrymdy quraıtyn magıstraldy munaı qubyrlarynyń ártaraptandyrylǵan jelisine ıe. «QazTransOıl» AQ-tyń óndiristik nysandary Shymkent qalasy men Qaraǵandy, Pavlodar, Túrkistan, Soltústik Qazaqstan, Atyraý, Mańǵystaý, Batys Qazaqstan, Qyzylorda, Almaty, Aqtóbe, Shyǵys Qazaqstan oblystarynda ornalasqan.
«QazTransOıl» AQ jáne onyń jumyskerleri arasyndaǵy áleýmettik qorǵaý salasynda alǵashqy Ujymdyq shartqa 2016 jylǵy jeltoqsanda qoldaný merzimi 2017-2020 jyldarǵa deıin qol qoıyldy.
Ujymdyq shart kompanııadaǵy áleýmettik-eńbek qatynastaryn retteıdi jáne jumyskerlerdi áleýmettik qoldaý, áleýmettik áriptestik sheńberinde múddelerdiń ońtaıly teńgerimin saqtaý, «QazTransOıl» AQ qyzmetiniń tıimdiligin arttyrý, kompanııanyń óndiristik-ekonomıkalyq qyzmetiniń nátıjeleri úshin jaýapkershilikti kúsheıtý maqsatynda qabyldandy.
