Saıasat • 03 Naýryz, 2020

Meıkaton «TOM: Nur-Sultan» jobasy

14 retkórsetildi

Meıkaton «TOM: Nur-Sultan» jobasyna qujat qabyldaý bastaldy. Múmkindigi shekteýli jandarǵa arnalǵan jańa prototıpterdi oılap tabýǵa arnalǵan erekshe jobany Nur-Sultan qalasy ákimdiginiń qoldaýymen «Astana jastary» jastar resýrstyq ortalyǵy, Nazarbaev Ýnıversıtettiń Innovasııalyq klasteriniń Fab Lab zerthanasy jáne Tel-Avıv ýnıversıtetiniń dostary qaýymdastyǵy birlesip júzege asyryp keledi.

Meıkaton «TOM: Kazakhstan» – bir jaǵynan kreatıvti jáne daryndy jastardyń, ekinshi jaǵynan múmkindigi shekteýli adamdar men olardyń eń jaqyn ortasynyń basyn qosatyn, olardyń turmys-tirshiligindegi aýyrtpalyqtardan ótýge kómektesetin tehnologııalyq sheshimderdi oılastyrý úshin qurylǵan halyqaralyq áleýmettik joba. Iаǵnı munda meıkerler nıdnoýerlermen birge ózderiniń ıdeıalaryn júzege asyryp qana qoımaı, múgedekterdi qoǵamǵa beıimdeýge jáne olardyń tolyqqandy ómirin uıymdastyrýǵa baǵyttalǵan prototıpterdi jasaıdy.

«Ábý Nasyr ál-Farabı qaıyrymdy qala turǵyndarynyń kózqarastary týraly traktatynda urlyq, zorlyqsyz bir-birin jaqsy kóretin adamdarmen qaıyrymdy qala qurylatynyn aıtady. Menińshe de adamdardyń yńǵaıly ómir súrýine, barlyǵyna teń múmkindikter jasaıtyn ortany qaıyrymdy qala dep aıtady. Sonyń biri – meıkaton jobasy. Bul birinshiden, múmkindigi shekteýli azamattarǵa osy qoǵamda ekenin sezindirý; ekinshiden, osy  meıkatonǵa olardyń ózderin qatystyra otyryp, máselelerin bilý; úshinshiden, osy ıdeıalar tek qana joba júzinde qalyp qoımaı, olardy júzege asyrýǵa kómektesý; tórtinshiden, osy joba­lardyń daıyndaryn qajetti adamdarǵa birden syılap, olar­dyń kúndelikti ómirine qoldaý kórsetý.  Munyń buǵan deıingi meı­katondarǵa qaraǵanda ereksheligi – jalpy múmkindigi shekteýli azamattarymyzǵa qandaı jaǵdaı jasaýǵa bolady, olardyń qandaı máseleleri bar degendi zerttep, ony tıisti organdarǵa usyný. Osy arqyly biz ınklıýzıvti qoǵam qalyptastyrý úshin taǵy qandaı qadamdar jasaýǵa bolatynyn zerdelemekpiz», deıdi Nur-Sultan qalasynyń Jastar saıasaty máseleleri basqarmasynyń basshysy Dáýlet Káribek.

Meıkaton «TOM: Nur-Sultan» jobasy Nazarbaev Ýnıversıtettiń Innovasııalyq klasteriniń Fab Lab zerthanasynda onynshy ret qolǵa alynǵaly otyr. Oǵan on komanda men múmkindigi shekteýli on sarapshy qatysady. О́tinimderdi qabyldaý 2 naýryzdan 1 sáýirge deıin jalǵasady. О́tinimdi 3 jáne 5 adamnan turatyn toptarǵa nemese jeke úmitkerlerge berýge bolady. Jasqa da, mamandyqtarǵa da shekteý joq. О́tinimder
www.kazakhstan.tomglobal.org saıtynda qabyldanady.

Bıyl meıkaton  úsh kezeńmen ótedi. Birinshi Ideathon kezeńinde 11-13 naýryz kúnderi komandalar qazylar alqasyna ıdeıa­laryn usynady. Ekinshisi – proto­tıp­terdi daıyndaıtyn Pre TOM kezeńi. Munda 15 sáýir kúni meı­­kerlerdiń múmkindigi shekteý­li jandarmen kezdesýi ótedi. Úshinshi TOM kezeńinde qatysý­shy­lar qazylar alqasy aldynda pro­to­tıpterdi qorǵaıdy. 72 saǵattyq úz­dik­siz jumys dep atalatyn sońǵy kezeń 15-18 mamyr kúnderine jos­parlanǵan.

«Bul marafonda ártúrli saladaǵy mamandardan quralǵan komanda bar, olardyń arqasynda erekshe qajettilikteri bar adam­dar­dyń múmkindikteri  keńeıip, al meıkatondarǵa qatysýshylar áleý­mettik kásipkerlikte ózderin synap kórýge múmkindik alady. Maǵan múmkindik bergeni úshin rahmet aıtqym keledi jáne adam­darǵa qýanysh syılaı­tyn osyndaı jobalar kóp bolsa eken», deıdi «Qazaqstan múge­dek­ter konfederasııasy» RQB atqa­rý­shy dırektorynyń orynbasary Aleksandr Horkın.

Uıymdastyrýshylardyń aıtýynsha, byltyr meıkatonǵa 7 komanda qatysyp, 7 prototıptiń ishinen eki prototıpti komanda jasaqtap, nıdnoýerýǵa jeke paıdalanýǵa berilipti.  Biri jetildirilgen elektr arba bolsa, ekinshisi ortopedııalyq turaqtandyratyn, jartylaı qatty tańǵyshy, jumsaq bilezik ortozy bar prototıp, ony qoldanýshy qolyna súıene otyryp ózdiginen súıreı alady. Al bıyl komandalar sany 10-ǵa deıin kóbeıtilmek.

«Bul is-sharanyń ereksheligi – bizdiń kóz aldymyzda qalaı jáne kimge jasalatynyn kóremiz. Meıkatonnan keıin adamdardyń ómiri qalaı ózgergenin baqylaı alamyz», deıdi Nur-Sultan qalasy ákimdiginiń «Astana jastary» KMM basshysy Chıngız Tleýlın.

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar