Atalmysh shara S.D.Asfendııarov atyndaǵy Qazaq Ulttyq medısınalyq ýnıversıtetiniń 90 jyldyǵyna oraı oraılastyrylyp otyr.
Pedıatrııa jáne balalar hırýrgııasy ǵylymı ortalyǵy, «Pedıatrlar Odaǵy» qoǵamdyq birlestigi men S.Asfendııarov atyndaǵy QazUMÝ-dyń balalar aýrýlary kafedrasynyń uıymdastyrýymen ótip jatqan konferensııaǵa TMD, Qazaqstan jáne shet elderden 100-den astam zertteý jumysymen aınalysatyn izdenýshiler, jas pedıatrlar men balalar hırýrg-dárigerler keldi.
Halyqaralyq deńgeıdegi bul jıynda balalardaǵy aýrýlardy emdeý men dıagnostıkalaýdyń zamanaýı ádisteri, balalarǵa medısınalyq kómek berýdi uıymdastyrý aspektileri, sırek aýrýlardy emdeý men dıagnostıkalaýy jetildirý men jańa standarty, túrli hırýrgııalyq jáne somatıkalyq patologııalary bar balalardy ońaltý, psıhologııalyq jáne medısınalyq-áleýmettik beıimdeý, balalar jasyndaǵy ıntensıvti terapııa men anestezıologııa, dıagnostıkalaý men emdeýde qoldanylatyn zamanaýı medısınalyq tehnologııalar jáne t.b. náresteler men balalardy emdeý men pedıatrııa, hırýrgııa salasyna qatysty ózekti máseleler talqylanyp, ǵylymı jobalar usynylady jáne praktıkadaǵy erekshe klınıkalyq jaǵdaılar ortaǵa salynady.
Konferensııanyń ashylý saltanatynda S.D.Asfendııarov atyndaǵy QazUMÝ prorektory Ubaıdulla Dathaev pen Pedıatrııa jáne balalar hırýrgııasy ǵylymı ortalyǵynyń Basqarma tóraıymy Rıza Boranbaeva jas ǵalymdar aldynda alǵy sóz sóıledi.
Ǵylymı konferensııaǵa usynylǵan baıandamalar úsh atalym boıynsha anyqtalyp, arnaıy dıplomdarmen marapattalady.
ALMATY
