Qoǵam • 03 Naýryz, 2020

Kókshetaýdyń «kúmis volonterlary»

9 retkórsetildi

«Kúmis volonter» Zeınet jasyndaǵy volonterlardy osylaı ataıdy. Oblysta 700-ge jýyq jan bar. Qart volonterlar da jastardan qalyspaı, jaqsylyq jasaýǵa asyq.

 «Dobroe serdse Kokshetaý» dep atalatyn uıym ózderiniń izgilikti is-qımyl, izetti is-áreketiniń arqasynda jas tolqynǵa ǵana emes, jastary jer ortasynan aýǵan egde adamdarǵa da úlgi, jaqsylyqqa uıytqy bolyp kele jatyr.

Adamǵa qolǵabys etýge árdaıym daıyn turatyn Bıbigúl Beısenovanyń aıtýyna qaraǵanda, bir adamǵa jaqsylyq jasasa, jany jadyrap qalady. Tipti, beıtanys adamdarǵa da qol ushyn beredi. Sol tıtteı kómeginen rýhanı lázzat alady. Munyń ózi jaqsy qasıet. Keıipkerimizdiń topshylaýynsha, qaıyrymdylyq jasaǵan adamynyń kózinen rızashylyq sezimdi baıqaý qıyn emes. Tóńiregine osylaısha meıirim nuryn tógip júrse, kúlli álem jaqsylyqtan jadyrap ketkendeı kórinedi. 

Mine, búgin ózge volonterlarymen birge kópbalaly ananyń úıine azyq-túlik ákeldi. Bir otbasyndaǵy jeti bala úshin bul jan jadyratar oqıǵa. Bir aıta keterligi, jandarynan shýaq tógilgen qaıyrymdy jandar olarǵa úsh jyldan beri kómektesip keledi. Bolashaqta baspanaly bolýlaryna da járdemdespek.  

–Shynyn aıtqanda, qazir kómek qolyn sozatyn qamqor adamdar kóp emes. Árkim óziniń kúıki tirshiligimen áýre. Al, qaıyrymdylyq adamdardyń arasyndaǵy birlikti, bolashaqqa degen senimdi nyǵaıta túsedi,–deıdi kóp balaly ana Ekaterına Pajarskaıa.

Aldaǵy ýaqytta oblysta volonterlardy qoldaýǵa arnalǵan 80-ge jýyq  ortalyq  ashylmaq.  Qazir óńirde resmı túrde tirkelgen volonterlyq 10 belsendi uıym  jumys  isteýde.

 

Kókshetaý qalasy

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar