Aımaqtar • 03 Naýryz, 2020

Azamattyq belsendilikke úndeıdi

12 retkórsetildi

Aqmola oblysy boıynsha sybaılas jemqorlyqqa qarsy is-qımyl departamentinde buqaralyq aqparat quraldary ókilderine arnalǵan brıfıng ótkizildi. Onyń jumysyn ashqan departamenttiń sybaılas jemqorlyqtyń aldyn alý jáne parasattylyq basqarmasynyń basshysy Baqytjan Ámirhanov atalǵan vedomstvonyń aqparattyq saıasaty jóninde habarlama jasady.

Budan keıin sóz alǵan departament janyndaǵy aqparattyq-aǵartýshylyq shtabtyń tóraǵasy Ǵosman Tóleǵul shtab qyzmeti týraly keńinen áńgimelep berdi.

–Qazaqstan Prezıdenti Qasym-Jomart Toqaev el halqyna arnaǵan Joldaýynda azamattardyń barlyq syndarly ótinish-tilekterin jedel ári tıimdi qarastyratyn «Halyq únine qulaq asatyn memleket»  tujyrymdamasyn iske asyrýdyń mańyzy orasan ekenin atap kórsetti,–dedi Ǵ.Tóleǵululy, –óıtkeni, bılik pen qoǵam arasynda turaqty dıalog ornatý arqyly ǵana qazirgi geosaıası ahýalǵa beıimdelgen úılesimdi memleket qalyptastyrýǵa bolady. Osyǵan baılanysty sybaılas jemqorlyqqa qarsy kúres Agenttigi ótken jyldyń qarashasynda respýblıkalyq aqparattyq-aǵartýshylyq shtab qurdy. Sol kezden bastap bul qurylym bizdiń oblystyń óńirlerinde de jumys isteı bastady. Onyń quramyna «Nur Otan» partııasy oblystyq fılıalynyń, ardagerler keńesiniń, analar keńesiniń, dinı birlestikterdiń, buqaralyq aqparat quraldarynyń ókilderi endi.

Bizdiń paıymdaýymyzsha, shtab osynaý qysqa merzimde belsendi qyzmetimen tanylyp otyr. Oblystyq qoǵamdyq qurylym polısııa, memlekettik qyzmet isteri, báselekelestikti qorǵaý jáne damytý, qylmystyq-atqarý júıesi departamentterinde, sáýlet jáne qala qurylysy, aýyl sharýashylyǵy, jer qatynastary, qurylys, dene shynyqtyrý jáne sport, energetıka jáne turǵyn úı-kommýnaldyq sharýashylyǵy, jumyspen qamtý jáne áleýmettik baǵdarlamalardy úılestirý basqarmalary men Kókshetaý qalasy ákimdiginiń apparatynda jáne basqa mekemelerde kezdesýler ótkizgen. Sonymen birge Zerendi, Sandyqtaý, Býrabaı, Qorǵaljyn jáne Arshaly aýdandarynda kóshpeli májilister uıymdastyrylypty. Jalpy, 4115 adam qatysqan 43 is-sharanyń resmı qujattary qattalyp, buqaralyq aqparat quraldarynda 90 materıal jarııalanǵany aıtyldy.

Bul baǵyttaǵy jumys aldaǵy ýaqytta da jalǵasyn taýyp, qyzmet aýqymy keńimekshi. Brıfıngte atalǵan túsinik jumystary turǵyndardyń quqyqtyq saýattylyǵyn jáne azamattyq qoǵamnyń belsendiligin arttyrady degen senim bildirildi.

 

Aqmola oblysy

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar