Aımaqtar • 03 Naýryz, 2020

О́mirzaq Shókeev salynyp jatqan turǵyn úılerdiń sapasyn tekserdi

61 retkórsetildi

Túrkistan qalasynyń ákimshilik-iskerlik ortalyq aýmaǵynda 7 qabatty 14, 12 qabatty 40 turǵyn úıdiń jáne  Batys Qytaı – Batys Eýropa tasjolynyń boıynda 7 qabatty 10 turǵyn úı boı kótergen. Kópqabatty turǵyn úılerdiń qurylysy eki aýysymda júrgizilýde.

Buǵan qosa, ákimshilik-iskerlik ortalyqtyń aýmaǵynan jeke qurylys kompanııasy óz qarajaty esebinen 12 qabatty 32 turǵyn úıdiń qurylysyn júrgizýde. Jyl sońyna deıin 12 turǵyn úı tapsyrylmaq.  Jalpy qurylysqa 600-den astam jumysshy jumyldyrylǵan. Bıyl paıdalanýǵa beriletin turǵyn úı qurylysy nysandaryn aralap, sapasyn teksergen oblys ákimi О́mirzaq Shókeev jumystyń baıaý júrip jatqanyn aıtyp, qurylysty merziminde aıaqtaýdy tapsyrdy. Bul oraıda óndiristik kesteden artta qalyp qoıǵan birqatar merdiger mekemelerge aıyppuldar salynyp, tehnıkalyq qadaǵalaýshy mekemege eskertý hattar joldanypty. Sala basshylary men merdiger kompanııalardyń qojaıyndarymen kezdesýinde oblys ákimine jumys qolynyń tapshylyǵy men qaǵazbastylyqtyń qolbaılaý bolyp jatqany aıtyldy.

Jańa páterlerdi óz kózimen kórip, spasyn teksergen О́.Shókeev qurylys kompanııalarynyń basshylaryna ınfraqurylymdyq júıeniń tutynýǵa saqadaı saı bolýy tıis ekenin aıtyp, jumysshylar sanyn arttyrýdy tapsyrdy.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar