Aımaqtar • 04 Naýryz, 2020

Ońaltý ortalyǵy qashan salynady?

10 retkórsetildi

Memleket basshysy Qasym-Jomart Toqaev byltyr kóktemde Semeıge jumys saparymen kelgende polıgon zardabyn tartqan azamattarǵa jasalatyn jeńildikter laıyqty deńgeıde bolýy qajettigine toqtalyp: «Polıgonnyń saldarynan túrli dertke shaldyqqan azamattardy tıisti deńgeıde emdeýmen qatar, olarǵa ońaltý qyzmetin kórsetý múmkindikterin de qarastyrý qajet», degen edi.

 

Prezıdenttiń aıtýynsha, Se­meı­de jáne osy óńirge qa­ras­ty aýyldarda 1300-den astam múm­kin­digi shekteýli bala bar. Qajetti jaǵdaı jasalmaǵan tar ǵımaratta ornalasqan Ońaltý ortalyǵy bir ýaqytta 35 bala ǵana qabyldaı alady. Bul – shyndyq. Mundaı jaǵdaı múlde syn kótermeıdi. Oblys ákimine máseleni dereý qolǵa alyp, tıisti sharalar qabyldaýdy tapsyramyn.

Jaqynda oblys ákimi Danıal Ahmetovtiń О́skemende ótken esep berý kezdesýinde Semeı qalasynyń Janar Jeńisova esimdi turǵyny: «Men 12 jastaǵy múgedek balany tárbıeleýdemin. О́tken jyly Memleket basshysy Qasym-Jomart Toqaev Semeı qalasyna kelgende múmkindigi shekteýli adamdarǵa arnalǵan Ońaltý ortalyǵy salynatyny týraly aıtqan bolatyn. Osy baǵytta qandaı jumystar atqarylýda?» dep suraq qoıdy. О́ńir basshysy óz kezeginde Prezıdenttiń tapsyrmasy mindetti túrde oryndalatynyn jetkizdi. «Qazirgi kezde Semeı qalasynda 1 304 múmkindigi shekteýli bala turady eken. Onyń 489-y medısınalyq ońaltýdy qajet etedi. Biz bul máseleden habardarmyz. Osy problemany sheshý úshin 150 orynǵa shaqtalǵan Ońaltý ortalyǵynyń qurylysyn bastamaqpyz. Atalǵan jobanyń qujattary saraptamaǵa jiberilgen, bul jumys shamamen mamyr aıyna deıin sozyl­ýy múmkin. Odan keıin qurylys jumystaryn bastaımyz. Bul ortalyq 2023 jylǵa deıin paı­da­lanýǵa beriledi dep senimmen aıta alamyn. Al ázirge qaladaǵy múmkindigi shekteýli jandarǵa «Qaraǵaıly» dep atalatyn tamasha shıpajaı qyzmet kórsetetin bolady», dedi oblys ákimi.

 

Shyǵys Qazaqstan oblysy

 

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar