Belarýs naryǵyndaǵy kedergilerdi talqylady

Qazaqstan delegasııasy Bela­rýs Respýblıkasyna Saýda-eko­nomıkalyq mıssııasymen bardy. Qazaqstandyq delegasııa­ny Saý­da jáne ıntegrasııa vıse-mı­nıstri Qaırat Tórebaev bastady.

Taraptar áleýmettik mańyzy bar azyq-túlik taýarlaryna ba­ǵany retteýdegi elderdiń tájirı­besin jáne ádiletsiz báseke­les­tikke qarsy kúres sharalaryn talqylady.

«Naryqtyq ekonomıka jaǵ­daıynda baǵany turaqtandyrý óte qıyn. Tyıym salatyn ádis­ter­men naryqty teńeý múmkin emes bolǵandyqtan, biz áleý­met­tik mańyzy bar azyq-túlik ta­­ýar­­­­lary baǵasyn turaqtandy­rýǵa jumys isteımiz.  Byltyr na­ryq­tyq baǵadan tómen baǵamen áleýmettik mańyzy bar azyq-túlik taýarlaryn satý jónindegi mindettememen aınalym qara­ja­tyn tolyqtyrýǵa saýda je­li­lerine qaryz berýdiń «aınalym shemasy» iske qosyl­dy. Radıkaldy sharalar da bizde bar: áleýmettik mańyzy bar azyq-túlik taýarlaryna bólshek saýda ba­ǵalarynyń shekti máninen asyp ketken jaǵdaıda olarǵa shek­ti ruqsat etilgen bólshek saý­da ba­ǵalarynyń mólsheri jyl ishin­de 90 kúnge deıin belgilenýi múmkin», dedi Q.Tórebaev.

Ol sondaı-aq deldaldarmen kúres aıasynda Qazaqstan qa­zirgi zamanǵy taýar ótkizý júıesin, kóterme-taratý jáne agro­logıstıkalyq ortalyqtar jeli­sin qurý boıynsha jumys júr­gizip jatqanyn jetkizdi.

Belarýs tarabyn Qazaq­stannyń turaqtandyrý qorlary arqyly baǵanyń ósýin tejeý bo­ıynsha tájirıbesi qyzyqtyrdy. Olar sondaı-aq Nur-Sultandaǵy saýda jelilerimen retro-bonýstar boıynsha jumys isteý táji­rıbesine qatysty aqparatpen bólisýdi surady.

Taraptar ekonomıkanyń sıfr­­ly ózgerýi, sondaı-aq azyq-túlik taýarlarynyń bırja­lyq saýdasy jaǵdaıynda tuty­nýshylardyń quqyqtaryn qor­ǵaý boıynsha memleketterdiń tájirıbesin tal­qylady.

Qazaqstan taraby Mınskiniń ma­man­dandyrylǵan ımporttaýshy ınstıtýtyn saq­tap otyrǵanyn másele retinde kóterdi, bul EAEO elderiniń alkogoldik ónim óndirýshileriniń Belarýs nary­ǵy­ndaǵy básekege qabilettiligin aıtar­lyqtaı shekteıdi. Atap aıt­qanda, Qaırat Tórebaev qazaq­standyq kompanııalardyń mamandandyrylǵan qyzmetterdi irikteý konkýrsyna qatysýǵa zańdy múmkindigine qaramastan, konkýrstyq irikteý rásimderiniń aıqyndylyǵyn ákimshilendirý sońǵy kezeńde múmkin emestigin aıtty. «Komıssııa otyrysy ja­byq rejimde ótedi. Qorytyndy she­shim qabyldaý prınsıpin naq­ty baqylaýǵa múmkindik joq», dedi Q.Tórebaev.

Jalpy, taraptar elderi­miz­diń saýda qyzmetin retteý, tutyný­shylardyń múddelerin qorǵaý jáne salamatty básekelestikti qam­tamasyz etý bóliginde mı­nıstr­­likter arasyndaǵy yn­ty­­maq­tastyqty jáne aqparat almasýdy tereńdetý qajettiligi týraly pikirge keldi.

Qorytyndysynda elimizdiń Saýda jáne ıntegrasııa mınıstr­ligi men Belarýs Monopolııaǵa qarsy retteý jáne saýda mı­nıstrligi Saýda jáne qoǵam­dyq tamaqtanýdy retteý, ishki tutyný naryǵyn qorǵaý sala­syndaǵy yntymaqtastyq týraly memorandýmǵa qol qoıdy.