Aımaqtar • 05 Naýryz, 2020

M.Áıtenov: Qurylystyń sapasy joǵary deńgeıde bolýy kerek

277 ret

kórsetildi

1 mın

oqý úshin

Shymkenttiń irgesindegi Turan shaǵynaýdanynda qurylys jumystary qarqyndy júrgizilýde. Aldaǵy úsh jylda jańa shaǵynaýdanda memlekettik bıýdjet esebinen jalpy aýdany 1296 myń sharshy metrdi quraıtyn 384 úı (18 869 páter) salý josparlanǵan. Onyń ishinde bıyl 88 úı (5 576 páter) salynady.

Nurshat TО́KEN

M.Áıtenov: Qurylystyń sapasy joǵary deńgeıde bolýy kerek

Osyǵan oraı qala ákimi Murat Áıtenov Turan shaǵynaýdanynda salynyp jatqan kóp qabatty úılerdiń jumysymen tanysty.

Búgingi tańda 42 úıdiń merdigerleri anyqtalyp, onyń 20-da qurylys bastaldy. 26 úıdiń jobalaý-smetalyq qujattamasy ázirlengen. Qalǵan 20 úıdiń jobalaý-smetalyq qujattamasyn ázirleýge memlekettik satyp alý konkýrsy jarııalandy.

Qala ákimi sodan keıin Asar-2 shaǵynaýdanynda salynyp jatqan 1200 oryndy mekteptiń qurylysy basyna bardy. Joba boıynsha bul mekteptiń qurylysy bıyldyń sońyna deıin bitýi tıis. Degenmen, qala ákimi M.Áıtenov merdiger kompanııaǵa nysandy odan erterek aıaqtaýdy, sondaı-aq, tıisti mamandarǵa ınjenerlik ınfraqurylym máselesin sheshý joldaryn qarastyrýdy tapsyrdy. Jalpy, shahar basshysy kez kelgen qurylysta sapanyń joǵary deńgeıde bolýyn talap etti.

Shymkent