Jalǵas Túkeshovtiń promoýterlik kompanııasy uıymdastyryp otyrǵan osy jarystyń basty jekpe-jeginde qazaqstandyq Edil Kojamberdıev pen ózbekstandyq Muhıtdın Radjapbaev kúsh synasady. Aýyr salmaqta judyryqtasyp júrgen qos bylǵary qolǵap sheberleriniń de esimderi jankúıerlerge tanys.
33 jastaǵy Edil Qojamberdıev kásipqoı rıngte 11 jekpe-jek ótkizip, toǵyzynda jeńiske jetti. Basymdyq tanytqan básekeleriniń barlyǵyn nokaýtpen utty. Eki ret upaı sanymen utyldy. 32 jastaǵy Muhıtdın Radjapbaev 18 ret sharshy alańǵa kóterilip, 10 ret jeńiske jetti. Jeti aıqasty merziminen buryn aıaqtady. Jeti márte jeńilip, taǵy bir kezdesýde teń esep tirkeldi.
Aıtýly jarysta uıymdastyrýshylar tarapynan 14 jekpe-jek ótkizý josparlanyp otyr. Sharshy alańǵa shyǵatyndar qatarynda Arman Rysbek, Dastan Sádýuly, Berikbaı Nurymbetov, Aıdos Medet jáne taǵy basqa boksshylar bar.
