Derekke úńilsek, keıingi jyldary shaǵyn jáne orta bıznes salasyna qadam basyp, jeke kásibin ashýǵa yntaly áıelderdiń qatary óse bastapty. Buǵan memleket tarapynan qabyldanǵan túrli qoldaý baǵdarlamalarynyń kóbeıip, adamdardy kásipke baýlý men nátıjeli eńbekpen qamtý baǵytyndaǵy jumystyń jolǵa qoıylýy da áser etip otyr. Osyny eskergen «Atameken» ulttyq kásipkerler palatasy óńirlerden is bastaǵan áıelderdi qoldaýdyń jańa júıesin jasap shyǵarypty. Byltyr palata janyndaǵy isker áıelder keńesiniń basshylary qyz-kelinshekterdiń kásip bastaýyna qoldaý bildiretin qor qurǵan. Bul qor is bastaýǵa yntaly názik jandylarǵa mıkrokredıt berý tetigin jasap, barlyq kásipkerler úshin jalpy qarjyǵa qol jetkizý máselesin sheshýge múmkindik Ásirese, ınvestorlarmen memorandýmdar jasaýǵa muryndyq bola bastaǵany qor jumysynyń qajettiligin kórsetip otyr.
- Aımaqta basymdyqqa ıe sektorlarǵa arnalǵan bıznes-jobalardy iske asyrý úshin maqsatty qaryz berý júıesi jolǵa qoıyldy. Bul kásipkerler palatasy janyndaǵy isker áıelder keńesiniń bastamasy edi. Iаǵnı, 3 mıllıard teńgege deıin kólemdegi jarǵylyq kapıtaldy qajet etetin jobalarǵa qatysýǵa nıetti kásipker áıelderge jeńildetilgen nesıe berýdiń birinshi kezeńi iske qosyldy. Qazirge deıin isker qyz-kelinshekten túsken tórt júzge jýyq ótinish qaralyp, 274 áıel usynǵan joba maquldandy. Berilgen nesıe somasy 2 mıllıard teńgeni quraıdy, - deıdi isker áıelder keńesiniń jetekshisi Rıma Salyqova.
Sondaı-aq, Jetisýdaǵy isker áıelder qatarynyń kóbeıýine «Bıznestiń jol kartasy – 2020» baǵdarlamasy aıasynda berilgen qoldaý qarjy da oń yqpal etip otyr. О́tken jyly osy baǵdarlamaǵa 242 názik jandy kásipker qatysyp, irikteýden ótken 88 jobany qarjylandyrýǵa 141 mıllıon teńge grant bólinipti. Al aımaq boıynsha shaǵyn jáne orta bıznespen aınalysýshylardyń jalpy sany 122 myńnan asqan.
Osy baǵdarlamanyń arqasynda óz kásibin jolǵa qoıǵan isker áıeldiń biri – Natalıa Rybchenko. Jeke kásipker «Bıznes keńesshi» onlaın kýrsyna qatysyp, iskerliktiń qyr-syryn meńgergen. Sosyn óz jobasyn jasap, bıznes-jospar quryp qarjy izdeýge kóshken. Sóıtip, Kásipkerler palatasyna bardy. Mundaǵy komıssııa músheleri Natalıa usynǵan balalar tekstıli jobasyn birden qoldady. «Bıznestiń jol kartasy – 2020» baǵdarlamasy boıynsha 1,5 mıllıon teńge grant ıelendi.
- Sábılerge arnap taza matadan tigilgen kıim-keshek, jumsaq oıynshyqtar, bólmeni árlep, bezendiretin zattar árqashan suranysqa ıe. Men muny kishi balama bosanǵan kezde uqtym. Elimizde bala bólmesin jabdyqtaýǵa ketetin tekstıl ónimi joqtyń qasy eken. Daıyn zattar Qytaı men Reseıden tasymaldanady. Biraq baǵasymen sapasyna kepildik joq. Sosyn «Nege osyndaı ónimdi ózimiz jasamasqa. Qolymyzdan kelmeı me?» degen oıǵa kelip, táýekel ettim. Nátıje jaman emes, - deıdi «Diaman-metall» balalar tekstıli sheberhanasynyń ıesi Natalıa Rybchenko.
Ashylǵanyna 3 aıdan endi assa da «Diaman-metall» daıyndaǵan ónimge suranys berýshiler bar eken. Taza matadan tigilgen balalar kıimi men oıynshyqtarǵa qyzyǵýshy kóp. Taldyqorǵan qalasy boıynsha tapsyrys berýshiler qatary arta túsken. Demek, otandyq ónim óndirýshiniń qatary taǵy bir jańa sheberhanamen tolyqty deýge negiz bar. Bastysy, baǵasyn turǵyndardyń qaltasy kóteretin, sapasy ımporttan bir kem emes zattardyń kóbeıgenine qýaný kerek.
Iskerlik pen ismerliktiń úlgisine aınalǵan áıel qaýymy aýyldar da jetedi. Mysaly, Raıymbek aýdany, Narynqol aýylynan «Aqıqat» degen atpen aıaq kıim tigetin seh ashqan kásipker ana Oryngúl Baratjan sondaı táýekelshil jan eken. Onyń óndirisi 2014 jyldan beri jumys istep tur. Jyl saıyn 1000 dana etik tigip, 7000 par aıaq kıim tigýdi maqsat etken. Ol oryndaldy da. Oılap qarasaq, Orynkúldiń qareketi kóp janǵa úlgi bolatyndaı. Qazir múmkindigi shekteýli áıel bylaı tursyn, qol-aıaǵy balǵadaı, tepse temir úzetin er-azamattyń ózi qol qýysyryp úıinde jatqan joq pa? Al Orynkúl ómirlik serigine arqa súıep, alǵa qadam basýdan sharshamady.Otbasynda 4 bala ósip keledi.
- Alǵashynda aýyldan aıaq kıim jóndeıtin oryn ashqanda bizge kúlip te, kúdikpen de qaraǵandar kóp boldy. Shynymen bizdiki táýekel edi. Narynqolda etik jóndetetin adam qaıdan bolsyn. Sodan ózimiz nege etik tikpeske degen oıǵa keldik. Aqyryndap isimizdi bastadyq. Qajetti bylǵary, teri, taban jasaıtyn rezeńkeni Almatydan tasydyq. Bilmegenimizdi suradyq, úırendik. Osylaısha ózi óndirisimizdi jolǵa qoıdyq, - deıdi aýyldaǵy kásipker ana Oryngúl Baratjan.
Kásipker aýylda tigilgen aıaq kıimge suranys artyp keledi deıdi. Ári bular tiken etik jyldyń barlyq mezgiline arnalǵandyǵymen erekshe bolyp tur. Quny – qaltaǵa laıyq. Orynkúl hanym taýar baǵasy qymbat bolmaýyna mán beredi. О́zi tiginshiliktiń qyr-syryna úıretken 8 shákirti qazir naǵyz sheber bolyp alypty. Sehtyń jumysyn 24 saǵat boıy toqtatpaı, eki aýysymda, kezekpen jumys isteýde.
Aıtpaqshy, aýyldaǵy kásipkerdi óz óniminiń sapasy emes, shıkizat pen qajetti jaraqtyń otanymyzda shyǵarylmaıtyny alańdatady. Mal terisiniń elimizde óńdelmeýi men ıne, jip, temir shege sııaqty usaq-túıektiń de syrtan ákeletini taýar baǵasyna áser etpeı qoımaıdy. Alys aýyldaǵy ismer áıeldiń muńyn Úkimettiń qulaǵyna jetkizý bizge mindet...
Almaty oblysy
