Qoǵam • 06 Naýryz, 2020

Taǵdyryma týra kelgen mamandyq

16 retkórsetildi

Áıeldiń orny – otbasy, oshaq qasy deıdi halyq danalyǵy. Bul pikirdi men de quptaımyn. Baqytty jar, aıaýly ana atanyp, qazan-oshaqtyń qasynan tabylǵanǵa ne jetsin? Deı turǵanmen bala kúngi armanymnan aýlaqtaı almadym. Qupııa bólimniń bastyǵy bolǵan ápkem bar. Esimi – Láılá Kákenqyzy. Qazirgi tańda zeınette. Baldyrǵan kezimde soǵan uqsaǵym keldi. Ápkemniń keńesimen sarbaz bolam degen sheshimge keldim. Bul sheshimime týǵandarym da qarsy bolǵan joq. Túsinistik tanytty. Áriden bastaıyn...

Aıagóz qalasynda dúnıege kelip, Semeıdegi Radıotehnıka jáne baılanys kol­ledjin oıdaǵydaı támamdaǵan soń, 2016 jyly osy qaladaǵy №10810 áskerı bólimine Qazaqstan Qarýly Kúshteriniń azamattyq qyzmetshisi bolyp jumysqa qabyldandym. Alǵashqy eńbek jolym osy­laı bastaldy. Alaıda áskerı kıim kııý­ge sonda da eki jyl ýaqyt qajet bol­dy.

Áskerı tártippen qatar, sportty da serik etken jaıym bar. Sol 2016 jyly shańǵymen syrǵanaý úshsaıysynda 1-oryn, araǵa eki jyl salyp 2018 jyly «Shyǵys» óńirlik qolbasshylyǵy ofıserlik úshsaıysynda 2-oryn, sol jyly «Makarov» tapanshasynan atý jarysynda 1-oryn ıelendim. 2019 jyly «Álem jaýyngeri» saıysynda irikteýden ótip, Armenııada ótken áskerı oıyndarda júldeli 3-oryn ıelensem, bıyl «Shyǵys» óńirlik qolbasshylyǵy uıymdastyrǵan osy saıysta 1-oryndy jeńip aldym. Osy jetistikterim eleýsiz qalmaı, 2019 jyly Qorǵanys mınıstri, general-ma­ıor Nurlan Ermekbaevtyń qolynan II dárejeli «El qorǵany» medalin aldym.

Áıel baqyty teńin taýyp, turmysqa shyǵý emes pe? Joldasym Sergeı Tolkanov ta áskerı adam. Ekeýmiz de Úsharaldaǵy №40398 áskerı bólimde qyzmet etemiz. Ol serjant sheninde. Men efreıtormyn. Keıde meni taǵdyr áskerı ómirge birjola tańyp qoıǵandaı kórinedi. Solaı bolǵanyna qýanamyn da.

 Ásker qataryndaǵy áıel azamattardyń ómirine kóp adam tańdanyspen qaraıdy. Qıyndyqqa, tártipke tózý ońaı emes árıne. Alaıda osy salany tańdaǵanym úshin bir sát te bolsyn ókingen emespin. О́kinbeımin de. Qazaq tarıhyndaǵy batyr qyzdardyń ardaqty izi óshpeýi tıis. Sonyń bir bólshegi bolsam, odan asqan arman joq mende.

 

Móldir SAFAKOVA,

«Shyǵys» óńirlik qolbasshylyǵy №40398 áskerı bóliminiń efreıtory

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar