Aımaqtar • 06 Naýryz, 2020

Jeńis jádigeri Oralǵa keldi

30 retkórsetildi

5 aqpan - 5 mamyr aralyǵynda Qazaqstan Respýblıkasy Ulttyq ulany Uly Otan soǵysyndaǵy Jeńistiń 75 jyldyǵyna arnalǵan «Biz – Jeńistiń muragerimiz!» estafetasy ótýde. Osy shara aıasynda búgin Oral qalasyna 1941 jyly Almaty qalasynda jasaqtalǵan 8-gvardııalyq motoatqyshtar dıvızııasy Jaýyngerlik Týynyń kóshirmesi jetkizildi.

Bul estafeta 2018 jylǵy 28 qyrkúıekte Dýshanbe qalasynda ótken TMD Memleket basshylary Keńesiniń sheshimimen bekitilgen edi. Estafetanyń negizgi atrıbýty – 1941 jyly Almaty qalasynda jasaqtalyp, Máskeýden Berlınge deıin jetken Keńes Odaǵynyń Batyry general-maıor I.V. Panfılov atyndaǵy 8-gvardııalyq motoatqyshtar Rejısskıı, Qyzyl tý Lenın ordendi, Sývorov ordendi dıvızııasynyń Jaýyngerlik Týynyń kóshirmesi. Estafetanyń maqsaty – Uly Otan soǵysynda Otanyn janqııarlyqpen qorǵaǵan qazaqstandyq jaýyngerlerdiń erligine qurmet kórsetý, esimderin el esinde saqtaý, maıdan dalasynda eli úshin qaza bolǵan ár soldattyń erligine bas ııý; jastardyń, ishki ister organdary qyzmetkerleri men Ulttyq ulan áskerı qyzmetshilerdiń boıyna otansúıgishtik qundylyqtardy jáne Qazaqstan halqynyń batyrlyq tarıhyna qurmetpen qaraý, qazaqstandyq patrıotızmge tárbıeleý,óz áskerı boryshtaryn úlgili atqarýǵa yqpal etý, - deıdi Qazaqstan Respýblıkasy Ulttyq ulany «Batys» óńirlik qolbasshylyǵynyń baspasóz qyzmetiniń jetekshisi podpolkovnık Erbolat Sultanov.

rl

Buǵan deıin Almaty, Qaskeleń, Uzynaǵash, Qarakemer, Taldyqorǵan, Taraz, Shymkent, Túrkistan, Qyzylorda, Atyraý, Aqtaý jáne Janaózen qalalarynda ornalasqan áskerı bólimderde bolǵan jaýyngerlik týdy qarsy alý saltanaty Oral qalasyndaǵy Jeńis alańynda ótti.

Saltanatty sharaǵa Batys Qazaqstan oblysynyń ákimi Ǵalı Esqalıev, «Batys» óńirlik qolbasshylyǵynyń qolbasshysy general-maıor Álibek Seralıev, Polısııa, Tótenshe jaǵdaılar, Qylmystyq-atqarý júıesi departamentteri, Ulttyq ulannyń óńirlik qolbasshylyqtary, áskerı bólimder, ardagerler uıymdary, sondaı-aq orta mektep oqýshylary men «Jas sarbaz», «Jas búrkit» áskerı-patrıottyq klýbtarynyń tárbıelenýshileri, stýdent jastar, jergilikti qoǵamdyq uıymdardyń ókilderi qatysty.

opo

- Bıyl fashızmdi jeńgen uly jeńiske 75 jyl tolady. Biz sol jeńimpazdardyń ul-qyzy, nemere-shóberesimiz. Biz osyny umytpaýymyz kerek, - dedi óńir basshysy Ǵalı Esqalıev.

Tý kóshirmesin 5517 áskerı bólim komandıriniń tárbıe jáne áleýmettik-quqyqtyq jumys boıynsha orynbasary podpolkovnık Baqyt Alazov qabyldap, sóz sóıledi.

- Bul estafetanyń patrıottyq máni úlken – maıdan dalasynda óshpes erlik kórsetken atalarymyzdyń erligin eske ala otyryp rýhymyz ósedi. Osyndaı mańyzdy sharaǵa qatysqanymyzǵa qýanyshtymyz. Jyl ótken saıyn soǵys jańǵyryǵy alystaı tússe de biz ata-baba erligin umytpaýymyz kerek. Búgingi shara – osynyń aıǵaǵy, - dedi Baqyt Alazov.

rpar

Budan keıin Oral garnızony áskerı bólimderi men polısııa qyzmetkerleriniń jeke quramynan quralǵan 500 adamdyq áskerı top alańnan sherý jasap ótti.

Respýblıkalyq estafeta músheleri eki kún boıy Oral qalasynda bolyp, soǵys ardagerleriniń úıine barady. Árbir maıdangerdiń úıi aldynda shaǵyn áskerı sherý ótip, maıdan ánderi shyrqalmaq.

 

Batys Qazaqstan

Sońǵy jańalyqtar

EAEO Qazaqstannyń usynysyn qoldady

Qazaqstan • Búgin, 19:57

Jetisaılyq jomart jandar

Aımaqtar • Búgin, 19:53

Indettiń ataýynda qandaı mán bar?

Koronavırýs • Búgin, 19:46

Fýtbol: Havı qaırymdylyq kórsetti

Fýtbol • Búgin, 19:25

Túrkistanda qurylys toqtamaıdy

Aımaqtar • Búgin, 19:23

Ishan baǵy qaıta qalpyna keledi

Rýhanııat • Búgin, 18:48

COVID-19: Indet juqtyrǵandar sany 525-ke jetti

Koronavırýs • Búgin, 17:28

Qaraǵandy oblysy onlaın-oqytýǵa daıyn

Aımaqtar • Búgin, 16:41

? (Suraq belgisi) Poema

Ádebıet • Búgin, 16:23

Senzýrasyz Abaı

Rýhanııat • Búgin, 14:34

BQO: 108 myń oqýshy qashyqtan oqıdy

Aımaqtar • Búgin, 13:23

Qyzylorda: Bir aptanyń baıany

Aımaqtar • Búgin, 12:52

Uqsas jańalyqtar