Sport • 09 Naýryz, 2020

QHL: «Barys» 5:2 esebimen jeńiske jetti

180 retkórsetildi

Elordalyq «Barys» qurlyqtyq hokkeı lıgasy pleı-off satysynda Reseıdiń «Metallýrg» (Magnıtogorsk) komandasymen besinshi kezdesýin ótkizdi.

Bıylǵy pleı-off satysynda eki komanda buǵan deıin tórt márte kezdesti. Oıyndar serııasynda «Barys» 3:1 esebimen alǵa shyqqan edi.

Búgingi kezdesý tartysty ótetini anyq bolatyn. Jarys talaby boıynsha týrnırdiń atalmysh satysy komandanyń bireýi tórt jeńiske jetkenge deıin jalǵasady. Jeńiske jetken jaǵdaıda elordalyq klýb jartylaı fınalǵa joldama alsa, «Metallýrg» jarys jolynan shyǵyp qalatyn. Oıyn basynan eki komanda birden shabýylǵa lap qoıdy. Nátıjesinde 3-mınýtta «Barys» hokkeıshisi Anton Sagadeev óz komandasyn alǵa shyǵardy.

Al 5-mınýtta «Metallýrg» sapynan Nıkolaı Kýlıomın tarazy basyn teńestirdi. Odan keıin elordalyq klýb qatarynan úsh shaıba soǵyp ketti. Aldymen Darren Dıs 6-mınýtta mergendik tanytsa, 14-mınýtta Anton Sagadeev búgingi kezdesýdegi ekinshi shaıbasynyń avtory atandy. Al 25-mınýtta Pavel Akolzın esepti ústemeleı tústi. «Metallýrg» sapynan Artıom Mınýlın 28-mınýtta esepti aıyrmasyn qysqartty. Al 59-mınýtta elordalyq Pavel Akolzın oıynda het-trıktiń avtory atandy. «Barys» osylaısha búgin 5:2 esebimen jeńiske jetti. Nátıjesinde oıyndar serııasynda jeńisin tórteýge jetkizip, pleı-off satysynyń jartylaı fınalyna joldama aldy.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar