Megafestıvaldiń jabylýyna Shymkent qalasynyń ákimi Murat Áıtenov arnaıy qatysty. Jergilikti qolóner sheberleri men dızaınerler ónimderiniń kórmesi qoıylyp, Yrza Tursynzadanyń qatysýymen tigin jáne qoldanbaly óner túrleri boıynsha tegin semınarlar, sheberlik sabaqtary jáne «Uly dala arýlary» motıvasııalyq leksııalary ótti.
Murat Dúısenbekuly mundaı is-sharalar kez kelgen názik jandylarǵa óz kásibin dóńgeletýge úlken úmit pen serpin beretinin aıtty.
-Búgingi jahandaný jaǵdaıynda ejelgi ulttyq qolónerimizdi qazirgi zaman talaptaryna saı qaıta jańǵyrtýdyń paıdaly tustary mol. Mundaı is-sharalar qyz-kelinshekter arasyndaǵy jumyssyzdyq deńgeıiniń azaıýyna septigin tıgizedi degen úmittemiz. Kórpe-jastyqtar tigip, ony daıyn taýar túrinde saýda-sattyqqa shyǵarý arqyly tabys kózderin tolyqtyrý múmkindigi týady, - dedi joba jetekshisi Yrza Tursynzada.
Kesh sońynda kórme-baıqaý jeńimpazdaryna qala ákiminiń atynan Alǵys hattar, semınarǵa qatysýshylarǵa sertıfıkat jáne «Amanat» syılyǵy tapsyryldy.
Shymkent
