Saıasat • 10 Naýryz, 2020

Úkimet pen Ulttyq banktiń birlesken úndeýi

51 ret kórsetildi

Úkimet pen Ulttyq banktiń munaıdyń álemdik naryǵyndaǵy jaǵdaı jáne makroekonomıkalyq turaqtylyqty qamtamasyz etý jónindegi sharalar týraly birlesken úndeýi

OPEK+ uıymyndaǵy munaıdyń negizgi eksporttaýshy elderi arasyndaǵy munaı óndirýdi shekteý jónindegi kelispeýshilikter munaıdyń álemdik baǵasynyń aıtarlyqtaı tómendeýine alyp keldi. Búgin, 2020 jylǵy 9 naýryzda Brent markaly munaı álemdik naryqtarda 30%-dan astam tómen baǵamen, barreline $31-33 kóleminde saýdalanýda.

Osy jaǵdaıǵa baılanysty Úkimet pen Ulttyq Bank júrgizilip jatqan memlekettik saıasattyń basymdyqtary makroekonomıkalyq turaqtylyqty jáne salyq-bıýdjet saıasatynyń tıimdiligin qamtamasyz etý, ınflıasııalyq prosesterdi basqarý jáne eldegi áleýmettik turaqtylyqty saqtaý bolyp qalatynyn málimdeıdi.

Syrtqy naryqtardaǵy qalyptasqan ahýalǵa jáne onyń Qazaqstan ekonomıkasyna áser etýine turaqty monıtorıng júrgiziledi. Qajetti sheshimderdi jedel qabyldaý jáne olardy júzege asyrý úshin Premer-Mınıstrdiń basshylyǵymen shtab quryldy.

Úkimettiń bıýdjet saıasatynyń sharalary áleýmettik mindettemelerdi tolyq kólemde oryndaýǵa baǵyttalatyn bolady. Basym emes bıýdjet shyǵyndaryn qysqartý sharalary qabyldanady. Úkimet pen jergilikti atqarýshy organdar baǵanyń negizsiz ósýin, ásirese áleýmettik mańyzy bar ta­ýarlar men qyzmetterge baǵanyń ósýin boldyrmaýǵa erekshe nazar aýdaratyn bolady. Qyzmetkerlerdiń sanyn qysqartýǵa jol bermeýdi jáne eńbekaqyny ýaqytyly tóleýdi qamtamasyz etýdi qosa alǵanda, azamattardyń eńbek quqyqtarynyń saqtalýyna qatań baqylaý qamtamasyz etiledi.

О́z mandaty aıasynda Ulttyq banktiń tıisti resýrstary bar jáne bazalyq mólsherlemeni arttyrý jáne adekvatty baǵamdyq saıasatty júrgizý arqyly monetarlyq saıasatty qatańdatý jolymen baǵalardyń turaqtylyǵyn qamtamasyz etý boıynsha qajetti qadamdar qabyldaıdy. Atalǵan sharalar ınflıasııanyń jedeldeýin shekteıdi, ulttyq valıýta baǵamynyń shamadan tys qubylmalylyǵyna jol bermeýge múmkindik jasaıdy.

Ulttyq bank valıýta naryǵyn turaqtandyrýdy qamtamasyz etý jáne qarjylyq turaqtylyqty qamtamasyz etý úshin qajetti valıýtalyq ıntervensııalar júrgizetin bolady. Ulttyq banktiń teńgeniń aıyrbas baǵamymen alyp-satarlyq operasııalardy boldyrmaý úshin altyn-valıýta aktıvteriniń jetkilikti kólemi, sondaı-aq retteýish quraldardy qosa alǵanda, barlyq qajetti quraldary bar.

Qarjy naryǵyn retteý jáne damytý agenttigi qarjy naryǵyndaǵy turaqtylyqty saqtaý jóninde sharalar qabyldaıtyn bolady.

Úkimet pen Ulttyq bank teris saldarlardy azaıtý jáne Qazaqstan Respýblıkasynyń áleýmettik-ekonomıkalyq damýynyń turaqtylyǵyn qamtamasyz etý úshin qajetti resýrstarǵa ıe.

 

Sońǵy jańalyqtar

Alystan jetken alǵys

Aımaqtar • Búgin, 14:10

Qazaqy ıtterdi ulttyq sportqa ıkemdeý qajet

Rýhanııat • Búgin, 09:27

Qazaqstanda 65 adamnan koronavırýs anyqtaldy

Koronavırýs • Búgin, 09:14

Uqsas jańalyqtar