Aımaqtar • 11 Naýryz, 2020

Qalyń qardan qaýip bar

19 retkórsetildi

Bıyl qarǵyn sýdan qaýip kóp. Mamandardyń esepteýine qaraǵanda, oblystyń keıbir óńirine túsken qardyń qalyńdyǵy jyldaǵy normadan eki ese artyq. Qar kúrt erise, qarǵyn sý da sol shamada bolýy ábden múmkin. Demek, osy bastan qapysyz qamdanǵan lázim.

Kóktemgi sý tasqynynyń aldyn alýda áli de olqylyqtar oryn alyp otyr. Máselen, janar-jaǵarmaı qory je­tispeıdi. Inertti materıal­dar salatyn qap ta jetim­siz. Ob­lystaǵy sý basyp qalý qaý­pi bar eldi mekenderdegi qardy taza­laý irkilispen júr­gizilýde. Ob­lystyq tótenshe jaǵdaılar depar­tamentiniń basshysy Alek­seı Sovetovtiń aıtýyna qaraǵanda, Ar­shaly, Astrahan, Bulandy, Býra­baı, Ereımentaý, Esil tárizdi bir­qatar aýdanda olqylyqtar oryn alyp otyr. Taıaýda tótenshe jaǵ­daılardyń aldyn alý jáne zardabyn joıý jónindegi oblystyq komıs­sııanyń otyrysynda oblys ákimi Ermek Marjyqpaev bar­lyq aýdan ákimderine, jolaýshylar kóligi jáne avtomobıl joldary basqarmasy, «QazAvtoJol» ob­lystyq fılıaly, aqyly avtomobıl joldary dıreksııasy, «Qazaqstan temir joly» AQ fılıalymen birlese otyryp, sý ótetin qurylǵylardy muqııat tazartyp, sý qoımalarynyń daıyndyǵyn tekserýdi tapsyrdy. Oblys áki­mi naýryzdyń onyna deıin gı­drot­ehnıkalyq qurylǵylardy jańǵyrtý jóninde mindet qoı­dy. Sondaı-aq táýlik boıy kezek­shilik uıymdastyrý shart. Al sý tasqynyna daıyndyǵy na­shar aýdan basshylaryna naq­t­y tapsyrma berdi.

О́tken jyldardaǵy sý tas­qy­nynan túıgen tájirıbege qara­ǵanda, qaýip eń aldymen sýy mol, arnasy keń Esil, Jabaı tárizdi iri ózenderdiń boıynan sýdyń ir­kilissiz ótýine baılanysty. Qar­ǵyn sý saı-salamen ózenge quıyl­ǵan kezde lyqsyǵan sý aq­paı qalyp, jaǵalaýdy sha­­ıyp ketip jatyr. Sondyqtan eń bi­rinshi sý alý qaýpi bar eldi mekenderdegi sý ótkizetin júıeni tap-tuınaqtaı etip tazartqan jón. Qys boıy túsken qar óz al­dyna, naýryzda da qar aralas jań­byr jaýyp, ylǵaldy molaıta túsý­de. Daladaǵy jumyspen birge qala­daǵy daıyndyqty da jerine jet­kize atqarǵan lázim.

Sý basyp qalý qaýpi bar 54 el­di mekenniń mańyndaǵy sý jú­retin 26,8 shaqyrym kanaldyń tabanyn tereńdetý kózdelgen. 16,5 shaqyrym dambany nyǵaıtý jos­parlanǵan. Onyń ústine ýaqytsha 17,1 shaqyrym sý bó­getin salý qol­ǵa alynǵan. 41 sý ótkizetin qu­rylǵy qaıtadan jab­dyqtaldy.

Tótenshe jaǵdaılar departa­mentiniń is-sharalaryna 1 mlrd 179 mıllıon teńge qarjy baǵyt­talyp otyr. Onyń 128,2 mln teń­gesi tótenshe jaǵdaılar qory, 861,6 mln teńgesi kezek kúttirmes shara­larǵa arnalǵan. Qalalyq jáne aýdandyq bıýdjetter ese­binen qosymsha taǵy da 189,2 mln teńge qarastyrylǵan.

Qazir oblysta 225,6 tonna ja­nar-jaǵarmaı qory bar. 24,1 myń tonna ınertti materıaldar daıyn­dalǵan. Eldi mekenderden 1 mln 103,4 myń tekshe metr qar shyǵaryldy. Bul baǵyttaǵy ju­mys áli de jalǵasa túsetin bolady. Qazirgi kúni apattyń aldyn alý­ǵa 1921 adam men 979 tehnıka daıyn tur. Eger kóktemgi qarǵyn sý boı bermeı bara jatsa, oblys aýmaǵynda alǵashqy topqa kómek­ke keletin 814 adam men 160 tehnıka, 31 dana júzý quraldary sa­qadaı saı. «Jaman aıtpaı jaq­sy joq» degendeı, qarǵyn sý basý qaýpi bar eldi mekenderdiń tur­ǵyndaryn ýaqytsha panalatý úshin 192 oryn daıyndalǵan. Olardyń 147-si bilim berý nysandary bolsa, al 45-i basqa da ǵımarattar.

Qazir oblystaǵy jaǵdaı jiti qadaǵalanýda. Aldaǵy táýlikter­den bastap 97 jerde kezekshilik uıym­dastyrylady.

 

Aqmola oblysy

 

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar