Aımaqtar • 11 Naýryz, 2020

Merkide ilbis bar

1292 retkórsetildi

Jýyrda Jambyl oblysynyń Merki aýdanyndaǵy erekshe qorǵalatyn taýly aımaqta «Qyzyl kitapqa» engen, búginde qar barysy atalyp júrgen ilbistiń beınetaspaǵa túsip qalǵany týraly aqparat kópshilikti tańdandyrǵan bolatyn.

Oblystyq tabıǵı resýrs­tar jáne tabıǵat paıdalanýdy retteý basqarmasyna qarasty «Merki ormandar jáne janýarlar dúnıesin qorǵaý» mekemesiniń málimetinshe, Qyrǵyz Alataýy­nyń jergilikti mańyzy bar «Mer­ki» qaýmalyna kiretin jer­lerinde arnaıy ornatylǵan fototuzaqqa tuńǵysh ret bir qar barysy tús­ken. Taýly aımaqta atalǵan me­keme qyzmetkerleriniń jabaıy ańdar men janýarlardy qoryp-kúzetý jumystarynyń barysynda fototuzaqqa taǵy úsh birdeı qar barysy túsipti. Sondaı-aq búginde qar barysymen qatar, arnaıy qurylǵan fototuzaqqa 23 bas arqardyń túsirilgeni de anyq­talǵan.

Mekeme dırektory Jasuzaq Ibraı­movtiń aıtýynsha, Birik­ken ulttar uıymynyń baǵdar­lamasy boıynsha mekemege arnaıy fototuzaq berilgen eken. Bul quraldy paıdalanýdyń ná­tı­jesinde qar barysynyń Mer­ki orman qory jerlerinde bar ekenine kóz jetkizdik. «Bul degenimiz – qar barysynyń Jambyl obly­synyń Merki aýdany taýla­rynda bar ekenin dáleldeıtin naqty derek. О́ńirde qar barysynyń paıda bolýy tabıǵı orman qory jer­leriniń jaqsy saqtalǵanyn kórsetedi. Sonymen qatar júrgi­zilgen jumystardyń nátıjesi de ol jerde qar barysy qorek­te­netin jabaıy ańdardyń jetki­lik­ti ekenin anyqtap otyr», deı­di ol.

Mundaı tabıǵı baılyqty qorǵaý mindet. Endi Birikken ulttar uıymy baǵdarlamasynyń odan arǵy jumys maqsaty – Merki aımaǵynda erekshe qorǵalatyn tabıǵı park qurý. Bul rette ob­lystyq tabıǵı resýrstar jáne tabıǵat paıdalanýdy retteý bas­qarmasy basshysynyń orynbasary Aıbar Ádilbaqov kún tártibinde arnaıy joba daıyndap, sol mańnan park ashý maqsaty turǵanyn aıtady. Iаǵnı park aýmaǵynda ańshylyq júrgizýge jáne jeke sharýashylyqpen aı­nalysýǵa tyıym salynady. Al­daǵy ýaqytta park qurylyp jatsa, bul da tabıǵat baılyǵyn saqtap qalýǵa septigin tıgizer edi. О́tken jyldyń ózinde zańsyz ań aýlaýǵa baılanysty 12 hattama toltyrylǵan.

«Merki ormandar jáne ja­nýarlar dúnıesin qorǵaý» meke­mesiniń málimetinshe, atalǵan aýmaqta búginde 4 qar barysy, 120 arqar, 8 úndi jaırasy jáne 12 túr­kistan sileýsini paıda bol­ǵan. Degenmen, ańdardyń qa­­ýip­sizdigi úshin beınetaspaǵa tús­ken jerlerdiń naqty aýmaǵy aıtylmaıdy. Al aqpan aıynda Almaty qalasynan zoologııa ınstıtýtynyń mamandary óńirge arnaıy kelip, qar barysynyń beınetaspaǵa jazylǵan jerle­rine zertteý jumystaryn júr­gizgen. Beınetaspalardy qaraý kezinde qar barysynyń jáne úndi jaırasynyń beıneleri ras­talǵan. Atqarylǵan jumy­s­tardyń nátıjesinde oblys aýma­ǵynda qar barysynyń jáne ózge de «Qyzyl kitapqa» engen ańdar men janýarlardyń bar ekeni anyq­talyp otyr.

 

Jambyl oblysy

 

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar