Rýhanııat • 11 Naýryz, 2020

Qustardyń dosy

29 retkórsetildi

Batys Qazaqstan oblysynyń ákimi Ǵalı Esqalıev Oral qalalyq mádenıet jáne demalys saıabaǵynda «Qustar – bizdiń dosymyz» atty jastardyń is-sharasyna qatysyp, qustarǵa arnalǵan uıa ornatty.

Bir qyzyǵy, bul bastamanyń avtory  Oral qalasynda turatyn Nuraı Temirǵalı esimdi stýdent qyz eken. Eki jyl buryn 17 jasqa tolǵan týǵan kúnin dostarymen birge toılaýdan bas tartyp, onyń ornyna qalalyq saıabaqqa 17 jemsaýyt ornatqan onyń erekshe qadamy týraly «Egemen Qazaqstan» gazeti «Týǵan kúni – torǵaıǵa syı» atty maqalamen habarlaǵan bolatyn.

Bıylǵy eriktiler jyly Nuraı ózi aınalysyp júrgen saýapty is jaıly saıtyna jazyp, pikirlesterin kóktemgi jyl qustaryna uıashyq jasaýǵa shaqyrǵan eken. Ony qoldaýshylardyń qataryna óńir basshysy da qosylǵan.

– Qustar – tabıǵat sanıtary, bizdiń qanatty dosymyz ǵoı. Bulardyń kóp bolýy eń aldymen tirshilikke tıimdi. Ornıtologterdiń zertteýinshe, qystap qalatyn qustardyń 80%-y jem taba almaı qyrylyp qalatyn kórinedi. Ásirese bizdiń Oralda qysta qusqa azyq tapshy bolady. Al nıeti bolsa, qustarǵa kómekti ár adam da bere alady. Bul bastamaǵa oblys ákiminiń ózi nazar aýdarǵanyna qýanyshtymyn. Meniń kishkentaı ǵana ıdeıama qoldaý bil­dirip, arnaıy kelgen Ǵalı Esqalıevqa jáne jastarǵa alǵysymdy jetkizgim keledi, – deıdi Nuraı.

Osy ıgi ispen aınalysyp júrgenine úsh jylǵa taıaǵan Nuraı qustar men onyń paıdasy týraly kóp málimetke qanyqqan. Tipti 1958 jyly Qytaıda qustardy «aýyl sharýashylyǵynyń qas jaýy» retinde joıyp jibergende, 30 mln halyqtyń ash­tan qyrylǵany sııaqty túrli derekti áleý­mettik jelide jıi jarııalanyp turady. Aıta keteıik, oraldyq boıjetkenniń osy bastamasy 2019 jyldyń sońynda Alma­tydan shyqqan «Ekosofııa nemese kıeli tabıǵat» kitabyna da engen bolatyn.

 

Batys Qazaqstan oblysy

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar