Aımaqtar • 11 Naýryz, 2020

Túzeý kabınetiniń tıgizer kómegi kóp

12 retkórsetildi

Qazir Aqtóbe óńirinde estý men sóıleý qabiletteri qalypty deńgeıden tómen balalardy saýyqtyrý men ońaltýǵa qatysty keshendi sharalar júzege asyrylýda. Oblystyq bilim basqarmasynyń dereginshe, óńirde erekshe bilim berýdi qajet etetin 6370 bala bar. Sondyqtan da osy sanattaǵy qoǵamnyń jas músheleri men ata-analaryna tegin kásibı kómek kórsetetin arnaıy bilim mamandaryna degen suranys jyldan-jylǵa óse túsýde.

Bul turǵyda pedagogıkalyq-psıhologııalyq turǵydaǵy túzeý kabınetteriniń tıgizer kómegi kóp. Osy baǵyttaǵy arnaýly oqý oryndary oblystyń barlyq aýda­nynda qyzmet etedi. Oblys ákimi Ońdasyn Orazalınniń paıymdaýynsha, mundaı kabınetter, aıryqsha balalarǵa arnalǵan bilim berý ıntegrasııasy sheńbe­rin­degi mańyzdy qu­ral­dardyń biri. О́ńirde derbes jumys isteýdi qajet ete­tin áleý­mettik róli joǵary, keder­gisiz aýmaq­tardy qurý isine júre­giniń jylýy mol jandar men qaıy­rymdylyq qorlary da qol ushyn sozyp otyr. Osy oraıda Aq­tóbe qalasynda qos birdeı psı­hologııalyq-pedagogıkalyq tú­zeý kabınetin ashýǵa «Dara» qo­ry uıytqy bolǵanyn aıtar edik.

«Ár alýan, biraq teń: Qazaq­­­standa ınklıýzıvti qoǵamdy qurý» jobasy aıasynda ashylǵan ar­naýly kabınetterdiń iske qosylýy jergilikti atqarýshy organdarǵa túsetin júktemeni azaıtýǵa sep­tigin tıgizgeni anyq. Mundaı ıgi iske jumyla bil­genderdiń qatarynda «EastTardeSolutons» JShS da bar. Saýaby mol istiń basy-qa­synda júr­gen Gúl­nar Dosanova men Rah­met Dar­meshtiń bastamalary qandaı qur­metke de laıyqty.

Atalǵan túzeý kabınetterine «Dara» qory qarajatynyń ese­binen búgingi zamanǵa saı arnaıy jabdyqtar men qondyrǵylar satyp alynǵan. Buǵan qosa 2019 jyldyń aqpan aıynda ashylǵan keıingi túzeý kabınetine kúrdeli jóndeý júrgizilip, erekshe bala­lardyń tutyný qajettiligine qa­raı beıimdelgen. Munda emdeý-dene shynyqtyrý sabaǵyna arnalǵan jınaq, montessorı ból­mesi, sóıleý men estý qabi­letin damytýǵa arnalǵan kompıýterlik baǵdarlama jumys isteıdi. So­nymen qatar balamaly baılanys tásilderi, dıdaktıkalyq jáne kórneki materıaldar bar.

– Bilikti mamandardyń balalarmen jeke jáne toptyq sabaq­tar júrgizýine barlyq jaǵdaı jasalǵan. Keshendi sharalarmen shuǵyldanatyn komandanyń qata­rynda psıhologtar men pedagog-defektologtar jáne logopedter bar, – dedi oblystyq bilim bas­­qarmasynyń bólim basshysy Qaırat Aldamjarov.

Aqtóbe qalasynda keıinnen ashylǵan pedagogıkalyq-psıho­logııalyq túzeý kabıneti erekshe bilim berýdi qajetsinetin 150 balaǵa arnalǵan. Osy arqyly Aqtóbede ınklıýzıvti qoǵam qurý­ǵa taǵy bir laıyqty qadam ja­saldy deýge tolyq negiz bar.

 

AQTО́BE

 

Sońǵy jańalyqtar

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Kásipkerler tilegi eskerildi

Qoǵam • Búgin, 11:11

Qarttar úıindegi qasiret

Aımaqtar • Búgin, 10:49

Daǵdarys daýylyna tosqaýyl - J. Nurabaev

Ekonomıka • Búgin, 10:45

Fýtbol: Para aldy dep aıyptalýda

Sport • Búgin, 09:38

Úkimet otyrysy ótip jatyr

Úkimet • Búgin, 09:20

Kómek alý ońtaılandyrylady

Saıasat • Búgin, 08:25

Infeksııanyń taralý qarqyny tómendedi

Koronavırýs • Búgin, 08:05

Senimge serpin bergen málimdeme

Qoǵam • Búgin, 08:02

Uqsas jańalyqtar