Qoǵam • 12 Naýryz, 2020

Kináliler jazasyn alýy tıis

15 retkórsetildi

Senattyń Áleýmettik-mádenı damý jáne ǵylym komıtetiniń múshesi Narıman Tóreǵalıev 2019 jyldyń naýryz aıynda Atyraýdaǵy qalalyq №3 ınternat (til múkisi bar balalarǵa arnalǵan) pen arnaıy mektep-ınternatta (kórý jáne estý qabileti nashar balalarǵa arnalǵan) oryn alǵan tárbıeshiler men sanıtarlardyń mekemedegi tárbıelenýshi balalardy uryp-soǵý faktisi boıynsha alańdatýshylyq tanytyp, óz pikirin bildirdi.

«О́tken jyly oryn alǵan jaǵdaıdan keıin Atyraý qalasyna bardym. Oqıǵa Atyraý qalalyq №3 tilinde múkisi bar balalar men kórý jáne estý qabileti nashar balalarǵa arnalǵan ınternatta oryn alǵan. Men barǵan ýaqytta mekeme basshysy qyzmetinen bosatylyp, onyń ornyna ýaqytsha mindetin atqarýshy boldy. Mekeme basshysymen sóılese kele 2019 jyldyń qańtar-aqpan aıynda mektep-ınternattyń tárbıeshileri men sanıtarlary tarapynan múgedek balalardy uryp-soǵý faktileri anyqtaldy. Bolǵan jaıt mekemedegi beınebaqylaý kameralaryna jazylǵan. Sol vıdeo dálelder negizinde mektep-ınternattyń 5 qyzmetkerine aldyn ala tergeý amaldary júrgizildi. Sonymen qatar osy is boıynsha oblystyq ákimdiktiń janynan arnaıy komıssııa da qurylǵan bolatyn. Kúni keshe BAQ arqyly belgili bolǵandaı múgedek balalarǵa qol kótergen tárbıeshiler men sanıtarlar jaýapkershilikten bosatylǵan. Olardyń jazadan qutylýy bizdi tańdandyryp otyr. Bul másele Parlament Senatynyń basty nazarynda bolǵan, onyń ústine Senat Tóraǵasy Darıǵa Nazarbaevanyń osy istiń mán-jaıyn anyqtaý týraly tikeleı tapsyrmasy boldy», dedi senator N.Tóreǵalıev.

Senatordyń aıtýynsha, Bas prokýratýra men quzyrly quqyq qorǵaý oryndary osy oqıǵany óz nazarlaryna alyp, másele qaraýsyz qalmaýy tıis.

«Merzimi ótip ketti dep kiná­li­lerdiń jazadan qutylyp ketýi quptarlyq is emes. Mundaı by­lyq­tyń aldyn almasaq, erteń taǵy bir jerde qaıtalanady, onyń arty qoǵamnyń narazylyǵyna alyp keledi. Biz múgedek jandarǵa qoldaý kórsetip, qoǵamnyń belsendi múshesi bolýyna oń áser etýdiń ornyna, kerisinshe osylaı jábirleý, árıne durys emes», dedi ol.

Sondaı-aq Senat depýtaty atalǵan másele boıynsha arnaıy depýtattyq saýal joldaıtynyn málim etti.

Bul oqıǵa ótken jyldyń naý­ryz aıynda oryn alǵan bolatyn. Al keshe Atyraý oblystyq polısııa departamenti merziminiń ótip ketýi men dálelderdiń jetispeýshiligine baılanysty isti toqtatqan edi.

 

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar