Olımpıada shegerilýi múmkin

Búginge deıin 4650 adamǵa monıtorıng júrgizildi, onyń ishinde 1 «a» sanaty boıynsha – 1217, 1 «b» sanaty boıyn­sha – 189, 2 sanat boıynsha  3244 adam medısınalyq baqy­laýda boldy. 11 naýryzdaǵy jaǵdaı boıynsha barly­ǵy 3974 adam baqylaýda tur. Koronavırýs boıynsha Qa­zaqstandaǵy sońǵy epıdemıologııalyq jaǵdaıdy baıan­daǵan Densaýlyq saqtaý mınıstrligi 11 naýryzdaǵy jaǵ­­daı boıynsha barlyǵy 90 adam dene qyzýymen jáne JRVI-men, onyń ishinde 1 «b» sanaty boıynsha – 20 adam, 2 sanat boıynsha – 36 adam, 3 sanat boıynsha 34 adam emdeý­ge jatqyzylǵanyn málimdedi. Emdeýge jatqyzylǵan 90 adam­­nyń ishinen 52 adam shyǵa­ryl­dy. 38 adam stasıonarda jatyr.

Al dúnıe júzi boıynsha 117 memlekette 38140 adam ko­ro­na­vırýs ınfeksııasyn juq­­tyrǵan. 1135 naýqas kóz jum­dy. Mınıstrlik bergen máli­­metterge qaraǵanda álemde ın­fek­sııa juqtyrǵandar sany kún saıyn 13,7 paıyzǵa, ólim-jitim 2,9 paıyzǵa artyp otyr.

Osy aptada Túrkııada da koronavırýstyń jańa túrin juq­tyrý oqıǵasy alǵash ret tirkeldi. Bul týraly Túr­kııa­nyń densaýlyq saqtaý mı­nıs­t­ri Fahrettın Qoja málim­dedi. Onyń aıtýyna qara^­ǵan­da vırýs juqtyrǵan adam Túrkııa­nyń azamaty, jaqynda ǵana Eýropadan kelgen eken. Qa­zirgi ýaqytta karantınge ja­byl­ǵan naýqastyń jaǵdaıy tu­raq­ty.

Koronavırýstyń órship bara jatqanyna alańdaǵan 3,5 myńǵa jýyq týrıst Nıý-Iorktegi BUU shtab-páterine týrdan bas tartty. Ekskýrsııalyq bıýro basshysy Vınchenso Pýlıeze týrlar 31 naýryzǵa deıin bolmaıtynyn aıtady. Sondaı-aq endi tek BUU terrıtorııasyna ruqsat qaǵazy barlar ǵana shtab-páterge kire alady.

Al bıylǵy 24 shilde men 9 tamyz arasynda ótedi dep josparlanǵan Tokıo Olım­pıa­dasy koronavırýsqa baılanysty bir nemese eki jyl keıinge qaldyrylýy múmkin. Japonııadaǵy uıymdastyrý komıtetiniń múshesi Harýıýkı Takahashı bul jóninde «Olımpıadany kelesi jyly ótkizý qıyn bolady, sebebi ol kezge mańyzdy sport saıystary josparlanyp qoıǵan. Sondyqtan Jazǵy oıyndardy eki jyldan keıin ótkizgen durys» deıdi.

Kıev meri Vıtalıı Klıchko koronavırýs taraýynyń aldyn alý úshin 12 naýryzdan bastap Ýkraına astanasynda karantın jarııalanatynyn málimdedi. Qala basshysy orta jáne joǵa­ry bilim mekemelerinde, bala­baq­shalarda, shyǵarmashylyq jáne sport mektepterinde oqý prosesine shekteý qoıy­la­­tynyn aıtty. Sondaı-aq qalada kóp adam qatysatyn is-sharalar shekteledi. Bul kon­sertter, konferensııalar, kınoseans­tar jáne basqa da is-sharalarǵa qatysty. Oıyn-saýyq orta­lyq­tary da jabylady.

Qazaqs­tan­da da WhatsApp messen­djeri arqyly 11-22 naý­ryz aralyǵynda karantın jarııa­lan­­ǵany týraly aqparat taraǵan bolatyn. Alaı­da Den­saý­lyq saqtaý mınıs­trliginiń resmı ókili Dıas Ahmetshárip bul aqparat shyndyqqa janaspaıtynyn málimdedi. «Bul – jalǵan. Eldegi jumys kúnderin qamtýdy Úkimet sheshedi» dedi, resmı ókil.