Kıno • 12 Naýryz, 2020

«Batyrlar» otansúıgishtikke baýlıdy

14 retkórsetildi

Qan maıdanda jaýdan jasqanbaı, qarsylastan taısalmaı eline qorǵan bolǵan qazaq qaharmandarynyń ómir jolyn arqaý etken – «Batyrlar» tarıhı kartınasy qalyń kórermenge jol tartty.

Qazaqstan tarıhyndaǵy qaıtalanbas tulǵalar jaıly týyndyny 12 naýryzdan bastap elimizdiń kınoteatr­larynan tamashalaýǵa bolady. Kartınanyń sıýjetine Qarasaı sondaı-aq, onyń dosy Aǵyntaı men Taımas batyrlardyń erligi ózek bolǵan.

«Qazaq kınosynda qa­zirgi zamannyń batyry joq. Máselen, Qarasaı batyr týǵan eli men jeri úshin kúresken naǵyz bahadúr. Onyń balalary soǵysta sheıit bolǵan. О́zi 19 jekpe-jekke qatysyp, bireýinen de je­ńilis kórmegen. Ol qazaq halqynyń birligin ańsaǵan. Kıno­fılmdi kórgen jastar óz ata-babalarynyń elimizdiń jarqyn bolashaǵy úshin qalaı kúreskenin kóre alady», deıdi kınokartına rejısseri Asqar Uzabaev.

Eńbek jolynda al­ǵash ret tarıhı janrda tolyq­metrajdy «Batyrlar» kınokartınasyn taspalaǵan rejısser keshegi zamandaǵy qazaq batyrlarynyń bárine bir ǵana ortaq múdde, ortaq qasıet tán ekenin aıtady.  Ol – Otanyna, halqyna degen sheksiz súıispenshilik. Kórermen orta ǵasyrdaǵy so­ǵys pen qantógiske toly zamana shyndyǵyna kýá bolady. Osyndaı qıyn-qystaý zamanda dúnıege kelgen bozbalanyń taǵdyr-talaıy bir ǵana joldy qaldyrǵan edi. Jastaıynan er minezdi Qarasaıdy ákesi ba­­­tyrlyq pen batyldyqqa baý­lyp ósiredi. Qarapaıym boz­bala qolbasshy ataǵyna qalaı jetti? Qazaqtyń keń dalasyn saqtap qalý úshin ol qandaı qadamdarǵa bardy? Osy suraqtardyń jaýabyn «Batyrlar» kınotýyn­dy­synda qarama-qarsy keıip­kerler arqyly ulttyq dúnıe­tanymnyń qaınar kózi­nen órbitip shyǵarady.

Fılmde basty rólderdi – Erjan Nurymbet, Nazar Sherhan, Murat Bısenbın, Samal Eslámova syndy akterler somdap, ǵasyrdan-ǵa­syrǵa jalǵasyp kele jatqan qazaqtyń minezi men bolmysyn shynaıy kórsetedi.

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar