Tartysty ótken jarysta jergilikti «Arlan» komandasynyń asyǵy alshysynan túsip, qarsylastaryn 2:0 esebimen utyp, el chempıonatynyń jartylaı fınalyna joldama aldy.
Oıyn alǵashqy mınýttardan-aq qyzý bastaldy. Birinshi aınalymda esep ashylǵan joq. Al, ekinshi aınalymda jerlesterimiz tolyq quramda shyǵyp, qarsylas qaqpasyn birden shabýyldyń astyna aldy. Nátıje kóp kúttirgen joq. Oıynnyń 17-shi mınýtynda jerles shabýylshy Mıhaıl Rahmanov qarsylas qaqpasynan sańylaý taba bildi.
– Biz «Arlan» komandasyna qoldaý kórsetýge keldik. Ár oıynyna jankúıer bolyp kelemiz. Komandadaǵy ár oıynshyǵa senemiz. «Arlan» komandasy bizdiń Qazaqstandaǵy nómiri birinshi qurama, – deıdi jankúıer Altynbek Mákishev.
Úshinshi aınalymda qarsylas komanda jeńiske umtylǵanymen, «Arlandyqtar» oıyn tizginin ýysynan shyǵarmady. Mıhaıl Rahmanov oıynnyń alǵashqy 4-shi mınýtynda taǵy bir gol soǵyp, esepti eseleı túsedi.
Kókshetaýlyq hokkeıshiler kezekti jeńisine qol jetkizip, týrnır kestesinde kósh bastap tur. Endi olar Qazaqstan chempıonatynnyń jartylaı fınalyna daıyndyq jumystaryna kirisedi.
