«Halyqaralyq tájirıbe álemniń kóptegen elderinde beıbit jıyndardy uıymdastyrý jáne ótkizý barysyndaǵy basty basymdyq qoǵamdyq qaýipsizdik ekendigin kórsetti. Qoǵamdyq-saıası ahýaldyń nasharlap ketýine baılanysty beıbit jıynalystar ótkizý jónindegi zańnamalaryn qatańdatýǵa barǵan birqatar demokratııalyq el bar. Zańdaryn yryqtandyrýǵa barǵan Fransııa, Germanııa, Ulybrıtanııa, Polsha, postkeńestik keńistikte Qyrǵyzstan men Armenııa syndy elder de bar. Olarda beıbit jıyndar ótkizý eskertý júıesi arqyly júzege asady», dedi Dáýren Abaev.
Onyń atap ótýinshe, ruqsat berý júıesi AQSh, Shvesııa, Japonııa, Sıngapýrda qoldanylady.
«Beıbit jınalystardy uıymdastyrý men ótkizý máselelerin retteıtin qoldanystaǵy zańnamasy 25 jyl buryn, 1995 jyly qabyldanǵan. Qoǵam sanasyna jınalystar mádenıetin sińiretin ýaqyt keledi. Sóz qoldanystaǵy zańnamany tek ózgertý jaıynda ǵana emes, tujyrymdamalyq turǵyda jańa zań jobasy jaıynda bolyp otyr. Ol beıbit jıyndardyń barlyq túrlerin uıymdastyrý jáne ótkizý máselelerin reglamentteıtin bolady», dedi mınıstr.
