Qoǵam • 12 Naýryz, 2020

AQSh-ta qazaqstandyq serjanttar «Úzdik jaýynger-2020» saıysynda baq synady

30 retkórsetildi

Elimizdiń Qarýly Kúshteriniń serjanttary Qazaqstan men AQSh qorǵanys vedomstvolary arasyndaǵy 2020 jylǵa arnalǵan áskerı baılanys josparyna sáıkes serjanttar quramynyń áskerı qyzmetshileri arasynda ótetin jyl saıynǵy «Úzdik jaýynger-2020» baıqaýyna qatysty. Bul týraly Qorǵanys mınıstrliginiń baspasóz qyzmeti habarlady.

Atalmysh saıys Arızon shtatyndaǵy «Hýachýk» áskerı bazasynda uıymdastyryldy. Oǵan 50-ge jýyq áskerı qyzmetshi qatysty. Aıta ketý kerek, Qazaqstandyq tarap bul saıysqa alǵash ret shaqyryldy.

Atalmysh konkýrsqa qatysý QR QK serjanttar quramynyń kásibıligin arttyrýǵa sonymen qatar serpin berýge múmkindik beredi, jarystyń aýqymdylyǵyn kóteredi, QR jáne AQSh vedomstvolary arasyndaǵy halyqaralyq áskerı yntymaqtastyqty nyǵaıtýǵa, sondaı-aq áskerı jarys túrlerin uıymdastyrý jáne ótkizý máselelerinde shet eldik armııalardyń tájirıbesin alýǵa yqpal etedi. Sonymen qatar, álem elderi boıynsha QR QK serjanttyq quramynyń daıyndyq deńgeıin baǵalaýǵa múmkindik beredi ", – dep atap ótti QR Qarýly Kúshteriniń Bas serjanty sheber-serjant Temirbek Halyqov.

Kúsh, shydamdylyq, qarý-jaraqpen jumys isteýdiń tájirıbelik daǵdylary, urys alańynda baǵdarlaı bilý, jaýyngerlik jaǵdaıda jeke quramdy basqarý, bıiktiktegi qorqynyshty jeńý, tyǵyz qarym-qatynas ornatý syndy talaptarǵa sáıkes kelý saıysqa qatysýshy árbir úmitkerge qoıyldy.

Qazaqstandyq komanda quramynda «úzdik serjant» ataǵyn alýǵa Búkilarmııalyq saıystyń sondaı-aq áskerı halyqaralyq oıyndar aıasynda ótkiziletin «Álem jaýyngeri» halyqaralyq konkýrsyynyń júldegeleri qatysty. Olardyń qatarynda Búkilarmııalyq saıystyń birneshe dúrkin jeńimpazy, kópsaıystan 1-razrıadty ıemdengen rota serjanty aǵa serjant Nurbol Dáýletov pen «Álem jaýyngeri» halyqaralyq saıysynyń birneshe dúrkin jeńimpazy serjant Ertilek Bekbolatov bar. (2018 jyly 1 oryn, 2019 jyly 3-oryn).

Barlyq saıys 8 kezeńnen turdy, onda áskerı qyzmetshiler jaýyngerlik atyspen, dene jáne atys daıyndyǵy boıynsha testileýden jáne kedergiler jolaǵynan ótti, jergilikti jerdi túngi baǵdarlaý jáne topografııa daǵdylaryn kórsetti. Baıqaýǵa qatysýshylardyń tózimdiligi men kúshin 22 km jáne 7 metrlik ǵımaratta (munara) júgirý synady. Saıysta jeńiske jetý úshin áskerı qyzmetshilerge kóshbasshylyq qasıetteri boıynsha óz bilimderin kórsetý mańyzdy boldy. Asa aıtýly kezeńderdńǵ biri mekende operasııa júrgizý jáne ǵımaratty tazalaý kezeńi boldy.

Qazaqstandyq serjanttar atalmysh saıysta joǵary dene daıarlyqtaryn kórsetti. Serjant Ertilek Bekbolatov, kedergi jolaǵyn 2 mınýt 15 sekýndta ótip Arızon shtatynda rekord ornatty, bul aldyńǵy rekordtardan eki ese jyldamyraq. Sonymen qatar, QR QK áskerı qyzmetshileri taktıkalyq daıyndyq (ǵımaratty tazalaý), jergilikti jerge baǵdarlaý, jaqyn qashyqtyqtaǵy atys boıynsha jarys barysynda jaqsy tájirıbe aldy.

Sondaı-aq qatysýshylar arasynda dene shynyqtyrý daıyndyǵy boıynsha testileý erekshe qyzyǵýshylyq týdyrdy. AQSh Qarýly Kúshterinde serjanttyq quramǵa jáne jalpy áskerı qyzmetshilerge dene shynyqtyrý daıyndyǵy boıynsha talaptar jaýyngerlik is- qımyldardy júrgizýdiń qazirgi zamanaýı is-qımyldarǵa súıene otyryp usynylady.

Sońǵy jańalyqtar

Beıqamdyqqa jol berilmeýi kerek

Rýhanııat • Búgin, 19:44

Úkimet syıaqy mólsherin belgiledi

Sport • Búgin, 19:42

Koronavırýssyz Qostanaı

Aımaqtar • Búgin, 19:27

Egemennen ertegi - jańa joba

Vıdeo • Búgin, 19:10

Túrkistan: Áskerıler kómekke keldi

Aımaqtar • Búgin, 18:48

Bıznesti jalaqy salyǵynan bosatý kerek

Ekonomıka • Búgin, 18:47

Kúrish eksportyna kedergi joq

Aımaqtar • Búgin, 18:35

Álem únemdele bastady

Álem • Búgin, 18:23

Shymkentte indet juqtyrǵan taǵy 8 adam anyqtaldy

Ońtústik Qazaqstan • Búgin, 17:36

El eńsesin kótergen málimdeme boldy

Rýhanııat • Búgin, 17:35

Kádimgi bir Qydyr-ata sııaqty

Ádebıet • Búgin, 17:27

QWANT bilim berý jobasy ashylady

Bilim • Búgin, 17:01

Týnnel koronavırýstan qorǵaıdy

Koronavırýs • Búgin, 16:48

Betperde kıgen kóktem - 4

Qoǵam • Búgin, 16:41

Uqsas jańalyqtar