Qoǵam • 12 Naýryz, 2020

Elordalyq balalarǵa arnalǵan tegin jolaqy jaıynda neni bilgen jón?

58 retkórsetildi

28 naýryzdan bastap Nur-Sultan qalasynda turatyn jáne oqıtyn 7-18 jas aralyǵyndaǵy balalar kólik kartasy arqyly qalalyq, ekspress jáne qala mańyndaǵy baǵdarlarda tegin júre alady. Engizilgen jeńildikti paıdalaný sharttaryn CTS baspasóz qyzmeti túsindirdi. Bul týraly qala ákimdiginiń resmı saıty habarlady.

Balalar úshin jol júrý tegin bolǵanymen, olar valıdasııany mindetti túrde jasaýy kerek. Bul shara baǵdarlyq júıeni qurýǵa, oqýshy qaýipsizdigin qamtamasyz etýge baǵyttalǵan. Sol rette kólik qyzmeti ata-analardan balalarǵa valıdasııanyń qajettiligin túsindirýdi suraıdy.

Sondaı-aq 7 jasqa tolmaǵan balalarǵa ataýly kólik kartasyn alýdyń qajeti joq. Oqýshyda kólik kartasy bolǵan jaǵdaıda, jańasyn qaıta shyǵarý kerek emes. Kólik ámııanynda aqsha qarajaty qalǵan oqýshylar 28 maýsymǵa deıin ony qaıtara alady.

«Aılyq jol júrý» tarıfin paıdalanatyn oqýshylarǵa qarajat qaıtarylmaıtyndyǵyn aıta ketken jón. «Oqýshynyń kólik ámııanynda aqsha qarajaty qalǵan jaǵdaıda, ony qaıtarýǵa bolady. «Aılyq jol júrý» tarıfi keri qaıtarýǵa jatpaıdy. Qarajat ortalyq kassada (Qoshqarbaev kóshesi, 50/1) qaıtarylady. Qajetti qujattar: ata-anasynyń jeke kýáligi jáne ataýly kólik kartasy. Jeke kýálik alǵan jasóspirimder ózderi alady», - delingen habarlamada.

16 jasqa tolmaǵan balanyń ataýly kólik kartasyn ata-anasy ortalyq kassadan alýy tıis. Al 16 jasqa tolǵan jasóspirimder ózderi alady. Kassa dúısenbi-senbi kúnderi saǵat 9:00-18:00-ge deıin úzilissiz jumys isteıdi. Jeksenbi kúni – demalys.

Kartany ashý úshin kelesi qujattar qajet: balanyń týý týraly kýáligi/jeke kýáligi (16 jastan asqan balalar úshin), oqý ornynan anyqtama jáne 3h4 fotosýret. Kartany shyǵarý/qaıta shyǵarý quny – 400 teńge. Eger balanyń kólik kartasy bolmasa nemese ony úıde umytyp qetken bolsa, basqa qujattar jaramsyz bolyp tabylady. Qazaqstan Respýblıkasynyń 2003 jylǵy 4 shildedegi N 476 «Avtomobıl kóligi týraly» zańyna sáıkes jolaýshy elektrondyq nysanda resimdelgen jol júrý qujatyn (bıletin) qospaǵanda, jolaýshylar men bagajdy avtomobılmen turaqty tasymaldaý marshrýttarynda jol júrý kezinde aqy tóleýdi jáne (nemese) jol júrý qujaty (bıleti) bolýǵa jáne ony sapar aıaqtalǵanǵa deıin saqtaýǵa mindetti.

Bul jaǵdaıda jol júrý aqysy qolma-qol aqshamen 15 jasqa deıin - 90 teńge, 15 jastan keıin - 180 teńge tólenedi.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar