Aımaqtar • 13 Naýryz, 2020

Jambyl oblysynyń turǵyndarymen kezdesti

43 retkórsetildi

Nur Otan partııasy Tóraǵasynyń birinshi orynbasary Baýyrjan Baıbek elimizdiń túrli aımaǵyna baryp, turǵyndarmen kezdesýin jalǵastyryp jatyr. О́tken aptada ol Jambyl oblysynyń birqatar eldi mekenine, sonyń ishinde Jýaly jáne Qordaı aýdandaryna at basyn tiredi.

Elbasynyń tapsyrmasyna sáıkes Nur Otan partııasy aldaǵy 5 jylda ár oblys, aýdan men eldi mekendi damytý boıynsha arnaıy usynystar ázirleýde. Partııanyń 216 aımaqtyq baǵdarlamasynda aımaqtardyń jergilikti erekshelikterin eskere otyryp, qajettilikteri men máseleleri kórinis tabýy tıis ári olardy sheshýdiń naqty joldary da kórsetiledi. Sondyqtan B.Baıbek issaparynyń alǵashqy kúninde azamattyq qoǵam ókilderimen, sonyń ishinde zııaly qaýymmen, bilim berý jáne ózge de sala qyzmetkerlerimen kezdesti.

«B.Momyshuly aýylynda kásipker áıeldermen birge aýylda mıkrobıznesti damytý máselelerin talqyladyq. Memleket tarapynan kórsetilgen qoldaýdyń arqasynda óz kásibin ashqandardyń arasynda kóp balaly analar da barshylyq. Búginde olar óz otbasylaryn qamtamasyz etip qana qoımaı, jańa jumys oryndaryn ashyp, salyq tólep, sondaı-aq qoǵamdyq ómirge de belsene atsalysýda. Dál osyndaı belsendi azamattyq ustanymy bar áıelder ártúrli áleýmettik toptardyń múddelerin bildirýi jáne aldaǵy partııaishilik praımerızge qatysýy tıis dep sanaımyn. Partııa kóshbasshysy Nursultan Nazarbaevtyń bastamasy boıynsha, Nur Otan aldaǵy ýaqytta óz saılaýaldy partııalyq tizimderi arqyly Májilis pen barlyq deńgeıdegi máslıhattarǵa keminde 30% áıelderdiń kandıdatýrasyn usynýdy jos­parlap otyr», – dep jazdy B.Baıbek óziniń Instagram paraqshasynda.

Partııa Tóraǵasynyń birinshi orynbasary atap ótken belsendi áıelderdiń qataryna kóp balaly ana Ásıma Shókeevany qosýǵa bolady. Qazirgi tańda Jýaly aýdandyq isker áıelder qaýymdastyǵyn basqaryp otyrǵan Á.Shókeeva birneshe jyl buryn sharýa qojalyǵyn ashqan. Keıin óz qarjysyna balabaqsha salyp, kóp balaly jáne áleýmettik jaǵdaıy tómen otbasylardyń balalaryn tegin aspen qamtamasyz etip otyr.

«Mine, bul – barshamyz úshin tamasha úlgi. Bir ǵana áıel aýyl sharýashylyǵyn, kásipkerlikti jáne bilim berý salasyn damytyp otyr. Qanshama adamǵa jumys berip otyrǵany taǵy bar. Bul eldegi – tynyshtyqtyń kepili», – dep atap ótti Jambyl oblysynyń ákimi Berdibek Saparbaev kezdesýde. Sonymen qatar ol oblystaǵy kásipkerlik salasynda 125 myńnan astam adam eńbek etse, olardyń teń jartysy áıelder ekenin aıtty.

Al Jambyl oblysyna jasaǵan issapa­rynyń ekinshi kúni B.Baıbek Masanchı, О́tegen men Qordaı aýyldarynyń turǵyndarymen, Nur Otan partııasy Qordaı aýdandyq bastaýysh partııa uıymdary múshelerimen jáne depýtattarymen kezdesti.

«Jaqynda oryn alǵan oqıǵa tek halyqtyń aýyzbirshiligi men qoǵamdyq kelisim ǵana elimizdiń ósip-órkendeýi men tabysty damýynyń negizgi kepili ekenin taǵy bir ret esimizge saldy. Qordaı aýdanyna arnaıy kelgen saparynda Memleket basshysy Qasym-Jomart Toqaev aıtqandaı, «Qazaqstan – dostyqtyń, beıbitshilik pen kelisimniń, sondaı-aq barlyq etnostyq toptardyń ortaq Otany. Elimiz túrli tarıhı jaǵdaılarǵa baılanysty qıyn-qystaý zamanda májbúrli túrde qazaq jerin panalap kelgen halyqtyń bárin qushaq jaıa qarsy aldy. Biz birtutas ult retinde osy ótken kúnderden sabaq alýymyz kerek. Eń bastysy, bolashaqta mundaı qaıǵyly jaǵdaılardyń qaıtalanbaýy úshin qoldan kelgenniń bárin jasaýymyz qajet», – dedi kópshilikpen kezdesý kezinde B.Baıbek.

Al jıynǵa qatysqan jergilikti turǵyndar bolsa aýdanda jaǵdaıdyń turaqtaǵanyn, azamattardy qazir qarapaıym turmystyq máseleler, atap aıtqanda, gazdandyrý, sýmen qamtý, mektepke deıingi mekemeler men mektep qurylysy tárizdi dúnıeler alań­da­tatynyn aıtty. Bul máselelerdiń barlyǵyn Nur Otan partııasy óz baqylaýyna alady.

«Biz, qarashaılar, bir zamandarda Qazaqstanǵa kúshpen jer aýdarylǵanbyz. Biraq dál osy jerden biz óz Otanymyzdy taptyq, bizdiń basymyzdan ótken qıyn kúnderdiń, deportasııanyń taýqymetin jeńýge aqkóńil, qaıyrymdy qazaq halqy járdemdesti. Sóıtip biz osy ólkede máńgi qaldyq. Men elimdi, Otanym – Qazaqstandy súıemin. Osynda ómir súrip jatqanymdy maqtan tutamyn», dedi kezdesý kezinde Sortóbe aýyly aýrýhanasynyń dárigeri Tatıana Apaeva.

Jergilikti bıliktiń ýádesine qaraǵanda, jýyq arada aýdannyń ınfraqurylymyn jańartý, jańa úsh mekteptiń, úı kezeginde turǵandarǵa arnalǵan 50 páterli turǵyn úıdiń qurylysy jáne ózge de ister bastalmaq. Atap aıtqanda, Masanchı aýylynda bıyl 600 oryndyq mektep salý josparlanypty. Bul óz kezeginde osy mektepterdiń oryn jetispeýshiligi máselesin sheshetin bolady.

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Uqsas jańalyqtar