Baqyt Sultanovtyń aqparaty boıynsha, búgingi kúni azyq-túlik taýarlarynyń tapshylyǵy men baǵanyń ósýi joq. 2015 jyldan bastap 19 áleýmettik mańyzy bar azyq-túliktiń tobyna baǵanyń ósýi eń tómengi 0,6% - dy qurady, jalpy azyq-túlik taýarlaryna baǵanyń ósýi 1,9% - dy qurady.
«Aqpannyń sońǵy aptasynda áleýmettik mańyzy bar azyq-túlik baǵasynyń 0,1% - ǵa tómendegeni baıqalady», - dedi B.Sultanov.
Ortalyq memlekettik organdar, jergilikti atqarýshy organdar aldyn alý sharalarynan basqa barlyq jelilerdi, eldi mekenderdi tolyq kólemde jabdyqtaý úshin qosymsha sharalar qabyldady. О́ńiraralyq ózara is-qımyl júıesi jolǵa qoıylǵan. 2019 jyldan bastap jergilikti atqarýshy organdar saýda jelileri úshin qaptalǵan aınalym qarajatyn bóletin «aınalym shemasy» tetigi paıdalanylady. Saýda jelileri óz kezeginde taýar óndirýshilermen ózara is-qımyl boıynsha mindettemelerdi, olardy ýaqtyly salý jáne belgili bir kezeńge baǵa dálizin ustaý boıynsha qarjylyq mindettemelerdi ózine alady.
Saparhan Omarov halyqtyń negizgi azyq-túlikpen qamtamasyz etilýine únemi júrgizilgen monıtorıng týraly aıtyp berdi. Aýyl sharýashylyǵy mınıstriniń aqparaty boıynsha, qazirgi tańda óńirlik turaqtandyrý qorlarynda, óndirýshiler, saýda uıymdary qoımalarynda jáne basqa da qoımalarda 1,2 mln tonnadan astam áleýmettik mańyzy bar azyq-túlik ónimderi bar.
Kórsetilgen kólem ónimniń túrine baılanysty 1 aıdan 6 aıǵa deıin jetkilikti. Azyq-túlik taýarlaryn óndirý toqtatylmaıdy, uzaq merzimge jetkilikti turaqty qory bar. О́ndiris oryndarynan azyq-túlik taýarlaryn jetkizý josparlanǵan keste boıynsha júrgiziledi, saýda ortalyqtary men bazarlar shtattyq rejımde jumys isteıdi.
Spıkerler Úkimet negizgi azyq-túlik taýarlaryna baǵanyń alypsatarlyq ósýine jol bermeý úshin sharalardyń tolyq spektrin qoldanatynyn atap ótti. Jergilikti atqarýshy organdar áleýmettik mańyzy bar azyq-túlik taýarlaryna baǵa deńgeıin baqylaıdy. Baǵanyń negizsiz ósýi jaǵdaıynda bıznes sýbektilerine aıyppul sanksııalaryn qosa alǵanda, den qoıý sharalary qoldanylatyn bolady.
Mınıstrler azamattardy úreı týǵyzbaýǵa jáne resmı derekkózderden tek shynaıy aqparatqa senýge shaqyrdy.
