«Budan buryn málimdegenimizdeı, elimizde koronavırýs tirkelgen jaǵdaıda Úkimet janyndaǵy vedomstvoaralyq komıssııa tıisti is-sharalar josparyn bekitken edi. «B» jospary búgin kúshine endi. Birinshi pasıent 9 naýryzda, ekinshisi 12 naýryzda kelgen. Olardyń kim ekenin jarııalaı almaımyz. Bir er adam men bir áıel. Ekeýi de Qazaqstanǵa ushaqpen kelgen. Bortta koronavırýsty juqtyrǵandarmen birge bolǵandardyń bári de karantınge jatqyzylady. Iаǵnı, 9 naýryzda birge ushqan 73 adamnyń kim ekeni anyqtaldy. Olar baqylaýda. Qaıda ekenin bilemiz. Karantınge jatqyzý sharalaryna kiristik. Olar aýrý adamdar emes», - dedi E. Birtanov.
Sondaı-aq mınıstr bortta eki qazaqstandyqpen ushyp kelgen jolaýshylardyń tizimi bar ekenin aıtty. 12 naýryzda kelgen ushaqtaǵy 12 azamat qazirgi tańda karantınde jatyr.
Eske sala ketsek, buǵan deıin Densaýlyq saqtaý mınıstri Eljan Birtanov Qazaqstannyń eki azamatynan koronavırýs ınfeksııasy tabylǵanyn málimdegen edi.
