Álem • 15 Naýryz, 2020

Qyrǵyzstan oqý oryndaryn karantınge japty

54 retkórsetildi

Qyrǵyzstanda 16naýryzdan bastap barlyq mektepter men joǵary oqý oryndary úsh aptalyq karantınge jabyldy. Bul sheshim Qaýipsizdik Keńesiniń otyrysynda qabyldandy. 

Sýret: Kabar agenttigi

Eldegi aqparat agenttikteriniń habarlaýynsha, Sooronbaı Jeenbekov shaǵyn quramda Qaýipsizdik Keńesiniń otyrysyn ótkizdi.

Ol álemniń barlyq elderi ekonomıkalyq shyǵyndarǵa qaramastan, densaýlyq saqtaýdy birinshi orynǵa qoıyp, shekaralar men joldardy jabýǵa sheshim qabyldaǵanyn atap ótti.

«Qyrǵyzstan da osy baǵytta jumys isteıdi. Osy jaǵdaıdyń barlyǵy ekonomıkaǵa áser etetindigin ashyq aıtý kerek. Biz respýblıkalyq bıýdjetti únemdeý rejımine kóship, qaýip-qaterlerge daıyn bolýymyz kerek» deıdi Qyrǵyzstan prezıdenti.

Sooronbaı Jeenbekov kezekti ret el halqynyń densaýlyǵy birinshi kezektegi másele ekenin,   koronavırýsqa qatysty jaǵdaı onyń jeke baqylaýynda ekenin, memlekettik organdardan saǵat saıyn túrli aqparat alynatynyn atap ótti.

«Qoǵamda túrli alyp-qashpa  áńgimeler bar. Resmı túrde rastalmaǵan aqparat áleýmettik jelilerde tez taralýda. Elde koronavırýstyń joqtyǵyna kúmándanatyndar bar.  Jaqyn kórshimiz Qazaqstanda osy ınfeksııanyń tirkelýimen bizdiń alańdaýshylyǵymyz kúsheıe túsedi. Bul tabıǵı prosess. Biz jumysymyzdy kúsheıtip, jedel, halyqqa ashyq aqparat berýimiz kerek»  dedi ol.

Qaýipsizdik Keńesiniń shaǵyn quramdaǵy otyrysynda eki respýblıkalyq shtabtan koronavırýstyń jaǵdaıy týraly aqparat tyńdaldy.

Sooronbaı Jeenbekov múddeli memlekettik organdar basshylarynyń jeke jaýapkershiligin taǵy da atap ótti. Qajetti sharalardy tıisinshe oryndamaǵany úshin eń qatań sharalar qabyldanady.

Qyrǵyzstanda koronavırýsty anyqtaýǵa arnalǵan 10 myńǵa jýyq test júıesi bar. Bul týraly úkimettiń baspasóz qyzmetinen habarlady.

Onyń aıtýynsha, zerthanada 1 myń 545 adam koronavırýsqa tekserilgen, nátıjeleri teris.

Taǵy 310 azamat qaıta saraptamadan ótti, nátıjeleri de teris.

Úkimet test júıeleriniń tıimdiligi 95-99 paıyzdy quraıtyndyǵyn, vırýs naqty ýaqyt rejıminde PTR taldaý arqyly ınkýbasııa kezeńinde anyqtalǵanyn atap ótti. Testtiń ortasha uzaqtyǵy - bes saǵat. Test júıeleriniń ózderi DDSU-men tekserilip, usynylady.

«Koronavırýstyq synaqtar aýrýdyń aldyn alý jáne memlekettik sanıtarlyq-epıdemıologııalyq qadaǵalaý bóliminiń eki zerthanasynda ótkiziledi. Zerthananyń barlyq mamandary PTR taldaý ádisteri boıynsha oqytylady, sonymen qatar joǵary dáldiktegi zamanaýı jabdyqtarmen qamtamasyz etilgen. Olardyń zerthanalyq zertteýlerge daıyndyǵyn DDSU sarapshysy Maııa Stanovıch tekserdi» delingen Qyrǵyzstannyń   Mınıstrler kabıneti taratqan baspasóz málimdemesinde.

 

Sońǵy jańalyqtar

Muńǵa toly minájat

Rýhanııat • Búgin, 15:19

Dosy úshin jolǵa shyqqan jankeshti

Rýhanııat • Búgin, 15:15

Sahnadaǵy Abaı beınesin kim qalaı somdady?

Rýhanııat • Búgin, 13:59

Senatta halyqaralyq qujat qaraldy

Parlament • Búgin, 12:39

Shyǵarmashylyqta shekara joq

Rýhanııat • Búgin, 12:25

«Esil tasyp barady jardan asyp...»

Aımaqtar • Búgin, 12:03

Dárigerlerdi demegen darhandyq

Aımaqtar • Búgin, 10:57

Poıyzdar aýrýhanaǵa aınalmaq

Álem • Búgin, 10:55

Uqsas jańalyqtar