Qazaqstan • 15 Naýryz, 2020

Úkimet delegasııasy batys óńirlerine jumys saparymen bardy

41 retkórsetildi

Qazaqstan Respýblıkasynyń Prezıdenti Qasym-Jomart Toqaevtyń halyq aldyndaǵy áleýmettik mindettemelerdi oryndaý jónindegi tapsyrmalaryn oryndaý aıasynda Qazaqstan Respýblıkasy Premer-Mınıstriniń orynbasary Eraly Toǵjanov bastaǵan úkimet delegasııasy osy kúnderi elimizdiń batys oblystarynda jumys saparymen júr.

Delegasııa Mańǵystaý, Atyraý jáne Aqtóbe oblystarynda boldy.  Jaqynda Batys Qazaqstan jáne Qyzylorda oblystaryna barady.

Jumys sapary barysynda Eraly Toǵjanov batystaǵy úsh aımaqta oblys ákimderi men munaı-gaz sektory ókilderiniń qatysýymen munaı jáne munaı salasyndaǵy qyzmet kórsetý kompanııalarynyń problemalyq máseleleri boıynsha birqatar kezdesýler ótkizdi. Kezdesýlerde álemdik qarjy-ekonomıkalyq daǵdarystyń Qazaqstan ekonomıkasyna áseri, sondaı-aq áleýmettik-eńbek kún tártibiniń ózekti máseleleri talqylandy.

«Álemdegi ekonomıkalyq jaǵdaıdy qıyndatatyn eń úlken másele - munaı baǵasynyń tómendeýi. Sonymen qatar, koronavırýstyq indet ekonomıkaǵa keri áserin tıgizdi. OPEK+ músheleriniń kelispeýshiligi munaı baǵasynyń 30% tómendeýine ákeldi. Bolashaqta bir barrel úshin 20-40 dollar deńgeıinde ekonomıkalyq damýdyń ssenarııi jáne bıýdjettik parametrlerdiń esebi bar», - dedi Eraly Toǵjanov.

Sonymen birge, Qazaqstan Respýblıkasy Premer-Mınıstriniń orynbasary jınalysqa qatysýshylardy áleýmettik turaqtylyq pen ult densaýlyǵy máseleleri el Prezıdentiniń turaqty baqylaýynda jáne Úkimet qazirdiń ózinde qajetti sharalardy qabyldaýda dep sendirdi.

«Birinshiden, barlyq áleýmettik mindettemeler ýaqytyly oryndalady. Ekinshiden, eńbek naryǵyndaǵy turaqtylyqty qamtamasyz etý jáne jumyssyzdyqtyń kúrt ósýine jol bermeý úshin eldi mekenderdi jóndeý jáne abattandyrý boıynsha ınfraqurylymdyq jobalardy iske asyrý úshin arnaıy jol kartasy jasalynýda. Bul rette jumystan bosatylatyn jumysshylar men jumyssyzdardy jumysqa ornalastyrýǵa erekshe kóńil bólinedi», - dedi QR Premer-Mınıstriniń orynbasary.

Azamattardyń ál-aýqatyn saqtaýdyń mańyzdylyǵyn atap ótken Eraly Toǵjanov jergilikti bılik organdary men jumys berýshilerdi ár aımaqta áleýmettik kepildikterdi qamtamasyz etý sharalaryn kúsheıtýge shaqyrdy.

«О́zderińiz bilesizder, munaı-gaz salasy - el ekonomıkasynyń negizgi qozǵaýshy kúshi. Halyqtyń ál-aýqaty úshin eń bastysy - jumyspen qamtý. Sondyqtan búgingi tańda jumys oryndaryn saqtaý jáne qyzmetkerlerge eńbekaqyny ýaqtyly tóleý óte mańyzdy», - dedi Eraly Toǵjanov.

Kezdesýler barysynda oblys ákimderi Úkimet múshelerine óz aımaqtaryndaǵy áleýmettik-eńbek jaǵdaıy týraly tolyq aqparat berdi.

Mańǵystaý oblysynyń ákimi Serikbaı Turymovtyń aıtýynsha, 9 bankrottyq kásiporynda 127 qyzmetkerge 75,9 mıllıon teńge kóleminde jalaqy qaryzdary bar. Olardyń qaıtarymy bankrottyq rásimder aıasynda júzege asyrylady. Jalpy oblysta eki myńǵa jýyq jańa jumys oryndary quryldy, al 293 726 teńge kólemindegi jalaqy respýblıka boıynsha ortasha kórsetkishten joǵary. Mańǵystaý oblysynda ataýly áleýmettik kómekti 2,5 myń otbasy alady.

Atyraý oblysynyń ákimi Mahambet Dosmuhambetovtyń aıtýynsha, aımaqtaǵy jumyssyzdyq deńgeıi 4,8% quraıdy. Ataýly áleýmettik kómek 1200 otbasyna kórsetiledi. Jalpy oblysta áleýmettik turaqtylyqty saqtaý úshin barlyq sharalar qabyldanýda.

Atyraý oblysynda jalaqy 334 583 teńgeni quraıdy. Bul da respýblıkadaǵy ortasha aılyq kórsetkishten asady.

Búgingi tańda barlyq respýblıkalyq munaıdyń 52%-y Atyraý oblysynda óndiriledi. Iri óndirýshi kompanııalar - «Teńizshevroıl» JShS, «NKOK», «Qazmunaıgaz» AQ. Qazirgi ýaqytta munaı óndirisi salasynda 15 myńǵa jýyq jumysshy, al 80 myńǵa jýyq adam munaı servıstik kompanııalarda jumys isteıdi.

Qazaqstan Respýblıkasy Prezıdentiniń kómekshisi Qanat Bozymbaevtyń aıtýynsha, memleket munaı baǵasynyń quldyraýy men pandemııamen baılanysty daǵdarystyq jaǵdaılardyń aldyn alý boıynsha jospar ázirleýde.

Kezdesýge qatysqan TShO-nyń bas dırektory Imer Bonner «Teńizshevroıl» kompanııasynyń munaı óndirý men ony qaıta óńdeý jumystary qalypty jaǵdaıda júrgizilip jatqanyn atap ótti.

«TShO munaı baǵasynyń tómendeýine baılanysty qıyn ekonomıkalyq jaǵdaıdan shyǵa alady. Sebebi bizdiń kompanııa tarıhynda osyndaı kezeń bolǵan. Sonymen qatar, jumysshylardyń qysqarýy bolmaıdy. Biz ózimizdiń bıznes-sheshimderimizdi qarap jatyrmyz jáne barlyq mindettemelerdi oryndaımyz», - dedi TShO bas dırektory.

14 naýryzda úkimettik delegasııa Aqtóbe oblysyna keldi. О́ńirdiń belsendilerimen jáne aımaqtaǵy eń iri munaı-servıstik kompanııalar basshylarymen kezdesý barysynda Aqtóbe oblysynyń áleýmettik-eńbek salasyndaǵy aǵymdaǵy jaǵdaıy egjeı-tegjeıli sóz boldy. Munaı-gaz salasy aımaqtyń ónerkásip qurylymynda eń úlken úleske ıe. Iаǵnı 35%-dan astady.

Aqtóbe oblysynyń ákimi Ońdasyn Orazalınniń aıtýynsha, aımaqtyń munaı-gaz salasy kásiporyndarynda 15 myńnan astam qyzmetker jumys isteıdi. Jumys oryndaryn saqtaý aıasynda barlyq kompanııalarmen ujymdyq sharttar men memorandýmdarǵa qol qoıyldy. Qazaqstan Respýblıkasy Memleket basshysynyń tapsyrmasyna sáıkes osy jyldyń basynan bastap munaı-gaz salasynda jalaqynyń ósýi orta eseppen 15% nemese 11 myńǵa jýyq qyzmetkerdi qurady, al basqa kásiporyndarda jalaqyny kóterý máselesi quryltaıshylardyń qaraýynda.

Tutastaı alǵanda, az qamtylǵan azamattarǵa áleýmettik qoldaý kórsetý jáne kásiporyndarda aǵymdaǵy jáne merzimi ótken jalaqy boıynsha bereshektiń joqtyǵyn eskere otyryp, óńirlerde turaqty áleýmettik jaǵdaı baıqaldy.

Kezdesýden keıin Qazaqstan Respýblıkasy Premer-Mınıstriniń orynbasary Eraly Toǵjanov Energetıka mınıstrligine jáne oblys ákimdikterine birqatar problemalyq máselelerdi sheshýde munaı-gaz salasynyń ókilderimen yntymaqtastyqty nyǵaıtýdy tapsyrdy.

Birinshiden, óndiris josparlaryn qaıta qaraý jáne munaı baǵasynyń ózgerýine baılanysty daǵdarysqa qarsy jol kartalaryn jasaý tapsyryldy.

Eńbek mindettemelerin oryndaý aıasynda Eraly Toǵjanov eńbek daýlaryn boldyrmaý, jumys oryndaryn saqtaý jáne kásiporyndardyń jumysshylaryna ýaqytyly jalaqy tóleý jóninde naqty sharalar qabyldaýdy tapsyrdy. Onyń oryndalý barysyn baqylaý Qazaqstan Respýblıkasynyń Energetıka mınıstrligine júkteldi.

Qazaqstannyń batys aımaqtarynda koronavırýs tirkelgen joq.

j
Úkimet delegasııasynyń Mańǵystaý, Atyraý jáne Aqtóbe oblystaryna sapary barysynda Premer-Mınıstrdiń orynbasary Eraly Toǵjanov, oblys ákimderine jergilikti jerlerde koronavırýstyq ınfeksııanyń taralýy boıynsha epıdemıologııalyq jaǵdaıǵa turaqty monıtorıng júrgizýdi tapsyrdy.

«Bizdiń elimizde koronavırýstyń taralýyn boldyrmaý úshin shuǵyl sharalar qabyldanǵanyn bilesizder. О́kinishke qaraı, bizdiń elde koronavırýs qaýpi týraly aqparat rastaldy. Búgin bizdiń aldymyzda koronavırýstyq pnevmonııaǵa qarsy turý mańyzdy mindet bolyp tur», - dep atap ótti Eraly Toǵjanov.

Aqtaý, Atyraý jáne Aqtóbede bolǵan sapar barysynda Eraly Toǵjanov koronavırýstyq ınfeksııasy bar naýqastarǵa medısınalyq kómek kórsetý úshin medısınalyq uıymdardyń daıyndyq deńgeıimen jáne oblystyq týberkýlezge qarsy dıspanserlerinde jáne juqpaly aýrýhanalarda boldy.

Aýrýdyń aldyn alý úshin elimizdiń aımaqtarynda oqshaýlanýǵa arnalǵan aýrýhanalar taǵaıyndalǵan. Mańǵystaý oblysynda 60 tósektik Mańǵystaý oblystyq aýrýhanasynyń ınfeksııalyq bólimi, 280 tósektik oblystyq týberkýlezge qarsy dıspanseri (farmasevtıkalyq aýrýhana), 70 tósektik Jańaózen qalasyndaǵy kópsalaly aýrýhananyń ınfeksııalyq bólimi bar. Oblysta 7 sanıtarlyq karantın pýnkti bar.

Atyraý oblysynda barlyq medısınalyq nysandar da iske qosyldy, shekaralyq karantın beketteri ornatyldy, medısına qyzmetkerleri oqytylyp, jeke qorǵanys quraldarymen qamtamasyz etildi. Sonymen qatar, aımaqta jeldetýdiń 12 mehanıkalyq qurylǵysy jáne 100 oryndyq oqshaýlanǵan ǵımarat bar.

Aqtóbe oblysynda koronavırýstyq ınfeksııanyń taralýynyń aldyn alý sharalary aıasynda da qajetti sharalar qabyldanýda. 130 kereýetke arnalǵan tósek qory, modernızasııalanǵan materıaldyq-tehnıkalyq bazasy bar ınfeksııalyq aýrýhana, 200 oryndyq farmasevtıkalyq aýrýhana, 500 oryndyq observasııa jasaldy. Mekemeler qajetti dári-dármektermen qamtamasyz etilgen. Medısına qyzmetkerleri oqytyldy.

Qazaqstan Respýblıkasy Premer-Mınıstriniń orynbasary qajetti dári-dármekterdiń qoryn saqtaý jáne medısınalyq uıymdardy qajetti medısınalyq jabdyqtarmen jáne jeke qorǵanys quraldarymen qamtamasyz etýdiń mańyzdylyǵyn atap ótti.

Sondaı-aq, ınfeksııalyq aýrýhanalardyń pasıentterdi qabyldaýǵa erterek daıyndyǵy men qajet bolǵan jaǵdaıda qosymsha oryndarmen jedel qamtamasyz etý qajettiligine erekshe nazar aýdarylady.

Úkimet delegasııasynyń jumys sapary Batys Qazaqstan jáne Qyzylorda oblystarynda jalǵasady.

Eske salsaq, Qasym-Jomart Toqaevtyń tapsyrmasymen Premer-Mınıstrdiń basshylyǵymen eldegi ekonomıkalyq jaǵdaıdyń daǵdarysqa qarsy josparyn ázirleý úshin jedel áreket etý shtaby quryldy.

Memleket basshysy Úkimetke halyq aldyndaǵy barlyq mindettemelerdi tolyǵymen oryndaýdy, jumyspen qamtýdy jáne áleýmettik turaqtylyqty qamtamasyz etý jónindegi sharalardy kúsheıtýdi tapsyrdy. 13 naýryzda Qazaqstan Respýblıkasy Premer-Mınıstriniń orynbasary Eraly Toǵjanov bastaǵan úkimettik delegasııa eldiń batys aımaqtaryna attandy.

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar