Qazaqstan • 16 Naýryz, 2020

Tótenshe jaǵdaı kezinde el shekarasynan kimder óte alady?

364 retkórsetildi

Syrtqy ister mınıstrligi tótenshe jaǵdaı engizilgen kezde el shekarasynan kimderdiń ótýine shekteý qoıylatyndyǵyn túsindirdi.

Qazaqstan Respýblıkasynda 2020 jylǵy 16 naýryzdaǵy saǵat 08.00-den bastap tótenshe jaǵdaıdyń engizilýine baılanysty onyń qoldanylý kezeńinde kelesi sharalar qabyldanatyn bolady:

1. Tótenshe jaǵdaı qoldanylatyn kezeńde Qazaqstan Respýblıkasynyń azamattary men sheteldikterdiń memlekettik shekara arqyly kirýine - shyǵýyna shekteý engiziletin bolady. Tómendegi jaǵdaılardan basqa:

buryn shet memlekettiń aýmaǵyna shyqqan jáne Qazaqstan Respýblıkasyna qaıtyp kelgen Qazaqstan Respýblıkasynyń azamattary; 

densaýlyq saqtaý mekemeleriniń rastaıtyn qujattaryn usynyp, shetelge emdelýge shyǵatyn Qazaqstan Respýblıkasynyń azamattary;

osyǵan deıin Qazaqstan Respýblıkasynyń aýmaǵyna kirgen jáne elden shyǵatyn sheteldikter;

elimizdiń jáne shet memleketterdiń dıplomatııalyq qyzmet personaly jáne olardyń otbasy músheleri, sondaı-aq Qazaqstan Respýblıkasy Syrtqy ister mınıstrliginiń shaqyrýy boıynsha Qazaqstanǵa keletin shet memleketter men halyqaralyq uıymdar delegasııalarynyń músheleri;

poezdyq jáne lokomotıv brıgadalarynyń, áýe jáne teńiz kemeleri ekıpajdarynyń músheleri; 

Qazaqstan Respýblıkasynyń aýmaǵyndaǵy sheteldik transshekaralyq qurylystarǵa qyzmet kórsetetin personal jáne shektes memleketterdiń aýmaǵyndaǵy qazaqstandyq transshekaralyq qurylystarǵa qyzmet kórsetetin personal; 

shekteýlerdi engizgenge deıin (2020 jylǵy 16 naýryz saǵat 08.00-ge deıin) jolǵa shyqqan jáne tranzıttik jolaýshylar poezymen jolda kele jatqan sheteldikter; 

Qazaqstan Respýblıkasynyń aýmaǵynda turýǵa yqtııarhattary bar sheteldikter (azamattyǵy joq tulǵalar); 

Qazaqstan Respýblıkasy azamatynyń otbasy múshesi bolyp tabylatyn shet el azamaty (týystyq baılanys faktisi rastalǵan jaǵdaıda – jubaıy (zaıyby), olardyń ata-analary men balalary). 

2. Taraptar azamattaryna shuǵyl medısınalyq kómek kórsetý úshin júgingen jaǵdaılardy qospaǵanda, Qazaqstan Respýblıkasynyń Úkimeti men Reseı Federasııasynyń Úkimeti arasyndaǵy Qazaqstan Respýblıkasynyń jáne Reseı Federasııasynyń shekara mańyndaǵy aýmaqtary turǵyndarynyń Qazaqstan-Reseı memlekettik shekarasyn kesip ótý tártibi týraly kelisimge sáıkes jumys isteıtin Qazaqstan-Reseı memlekettik shekarasyndaǵy ótkizý oryndary arqyly jergilikti turǵyndardy ótkizý toqtatyla tursyn. 

Transshekaralyq qurylystar – memlekettik shekarany kesip ótetin temir joldar, avtomobıl joldary, qubyrlar, elektr berý jelileri, kabelder, kópirler, bógetter, shlıýzder, sý arnalarynyń qurylystary jáne basqa da qurylystar, sondaı-aq Taraptardyń biriniń shekara mańyndaǵy aýmaq (shekara aımaǵy) sheginde, ekinshi Tarap memleketiniń aýmaǵyndaǵy obektileri.

 

Sońǵy jańalyqtar

Qazaqstanda koronavırýstan 55 adam aıyqty

Koronavırýs • Búgin, 12:50

Qaıyqshy atanyń hıkaıasy

Rýhanııat • Búgin, 12:39

Jyl basynan beri zeınetaqy eki ret ósti

Ekonomıka • Búgin, 11:30

Qaraquıryqty atqan qoryqshy ustaldy

Aımaqtar • Búgin, 10:54

Toıdyń sońy topyrlaǵan aýrý

Aımaqtar • Búgin, 10:22

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Kıeli kitaptar: tyıymdar ne úshin jasalady?

Rýhanııat • Búgin, 05:34

Aqırekte – Arystan bab...

Tanym • Búgin, 05:33

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

54 adam jazylyp shyqty

Koronavırýs • Keshe

Uqsas jańalyqtar