Onlaın rejimge aýystyrylady

Jıyn barysynda Bilim jáne ǵylym mınıstri Ashat Aımaǵam­be­tov qabyldaǵan sharalary týraly áńgimeledi.

«Mektep demalysy 16 naý­ryzdan bastap 5 sáýirge deıin erte kezeńge aýystyryldy. Eger qajettilik týyndasa, 5 sáýirden keıin mektepter qashyq­tyq­tan oqytýǵa daıyn bolady. Muǵa­lim­derdiń biliktiligin arttyrý kýrstary múmkindiginshe qashyq­tyqtan oqytý formatyna aýystyrylady, onlaın-for­matqa aýysý múmkindigi bol­maǵan jaǵdaıda belgisiz mer­zim­ge keıinge qaldyrylady. Kolledjder men joǵary oqý oryndary qashyqtyqtan oqýǵa kóshiriledi. Birqatar joǵary oqý oryndary, naqtyraq aıtsaq, olardyń 30 paıyzy 13 naýryzdan bastap onlaın-formatqa kóshti. Jalpy, oqýdy onlaın rejimge aýystyrý joǵary oqý oryndarynda qıyndyq týdyrmaıdy. Alaıda barlyq kolledjderdiń qashyqtyqtan oqytý úshin qajet­ti bazasy joq. Qazir qajetti bazany engizý boıynsha jumystar júrgizilýde. Sonymen qatar, qonys aýdarý múmkindigi bol­ma­ǵan jaǵdaıda stýdentterge ja­taqhanada qalýǵa quqyq beri­­ledi. Alaıda belgili bir re­jim ornatylýy tıis, barlyq is-sha­ra­lar toqtatylady. Balalar úı­le­ri boıynsha burynǵy jumys rejimi saqtalady, biraq syrtqy baılanystar qatań shektelgen», dedi ol.

Eńbek jáne halyqty áleý­met­tik qorǵaý mınıstrligi Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev jumys qyzmetin toq­ta­ta turý nemese karantınde bolý ýaqytyna eńbekaqy tóleý nor­malary týraly aıtty.

«Bas memlekettik sanıtarlyq dárigerdiń qaýlysyna sáıkes, medısınalyq mekemege nemese úı oqshaýlaǵyshyna qara­mas­tan karantındegi barlyq qyz­metkerlerge aýrýhanalyq paraqtar beriledi. Tólem jár­dema­qy, eńbekke ýaqytsha jaram­syzdyqqa sáıkes júr­gizi­ledi. О́ndiristiń ýaqytsha toq­ta­ty­lýy­na baılanysty tólemaqy jóninde aıtar bolsam, 13 naýryzdan bas­tap buqaralyq is-sharalardy ótkizýge tyıym salyndy. Sonyń ishinde SOO janyndaǵy kınoteatrlar men balalardyń oıyn alańdary jabyldy. Osyǵan baı­lanysty, keıbir jumys be­rý­­shiler qyzmetkerlerin ju­mystan bosatýǵa májbúr. Eńbek kodeksiniń 112-babyna sáıkes belgili sebepterge baılanysty ýaqytsha jumysyn toqtatqan mekeme jumys berýshi men qyz­met­kerge jalaqynyń eń tómengi mólsherin belgileıdi. Eger bul shara eńbek nemese ujymdyq shartta qarastyrylǵan bolsa, tólem joǵary bolýy múmkin», dedi ol.