Ekonomıka • 16 Naýryz, 2020

Ulttyq Bank bazalyq mólsherlemeni 12% deńgeıinde saqtaý týraly sheshim qabyldady

24 retkórsetildi

Ulttyq Bank bazalyq mólsherlemeni jáne paıyzdyq dálizdi jyldyq 12% + /- 1,5 p.t. deńgeıinde saqtaý týraly sheshim qabyldady. Bul týraly Ulttyq Bank baspasóz qyzmeti habarlady. 

Syrtqy sektorda qalyptasqan belgisizdik jáne COVID-19 koronavırýsynyń, saýda soǵystarynyń taralýyna, geosaıası shıelenistiń ósýine baılanysty iske asyrylǵan táýekelder jaǵdaıynda halyqaralyq sarapshylardyń baǵalaýy boıynsha álemdik ekonomıkanyń aıtarlyqtaı jáne uzaq ýaqytqa baıaýlaýy kútiledi. 2020 jyly álemdik IJО́-niń ósý qarqyny 2008 jylǵy álemdik daǵdarys ýaqytynan bastap nashar kórsetkishke alyp kelýi múmkin.

Aldyńǵy aptanyń basynan bastap álemdik taýar jáne qarjy naryqtarynda aıtarlyqtaı qubylmalylyq baıqalýda. Munaı baǵasynyń serpini OPEK+ kelisimine qatysýshylar arasyndaǵy ýaǵdalastyqtyń bolmaýyna jáne Reseı men Saýd Arabııasyarasynda óris alǵan baǵa soǵysyna baılanysty oqıǵalardyń yqpalynda boldy. 2020 jylǵy

9 naýryzdan bastap Brent surypty munaıdyń baǵasy bir barrel úshin 31-36,5 AQSh dollary deńgeıinde bekitildi. 2020 jylǵy 16 naýryzda tańerteń munaıdyń belgilengen baǵasy bir barrel úshin 32,88 AQSh dollaryn qurady.

Investorlar arasyndaǵy teris kútýler nátıjesinde álemdik qor naryqtaryndaǵy ındekster sońǵy 30 jylda eń kóp tómendeýdi kórsetti. О́tken aptada AQSh Federaldy rezervtik júıesi qysqa merzimdi ótimdilikti 1,5 trln

AQSh dollarǵa berýdi jáne keshe kezekten tys tártippen negizgi paıyzdyq mólsherlemeni 0- 0,25% deıin tómendetip, ekonomıkany qoldaý jáne múmkin quldyraý saldaryn azaıtý úshin jalpy somasy 700 mlrd AQSh dollar sandyq jumsartý baǵdarlamany jarııalady. Damýshy elder men munaıdy eksporttaýshy elder valıýtalarynyń álsireýi baıqaldy. Osy jaǵdaılarda Ulttyq Bank baǵa turaqtylyǵyn ustap turý maqsatynda 2020 jylǵy 10 – 13 naýryz aralyǵynda birqatar shuǵyl jáne aldyn alý sharalaryn qabyldady.

2020 jylǵy 10 naýryzda bazalyq mólsherlemeniń 12%-ǵa deıin artýy naryqtarda úreıdiń taralýyna aldyn ala áser etti jáne naryq agentteriniń strategııasyna der kezinde túzetýler engizdi, bul paıda bolǵan ınflıasııalyq táýekelderdi shekteýge jáne teńgedegi aktıvterdiń qunyn qorǵaýǵa múmkindik berdi.

Sonymen birge paıyzdyq dálizdi 1,5 p.t. deıin keńeıtý bankterdiń Ulttyq Bankten teńgemen qaryz alý qunyn 13,5%-ǵa deıin ulǵaıta otyryp, naryqqa qatysýshylar tarapynan aıyrbastaý baǵamyna alypsatarlyq qysym kórsetý múmkindigin shekteýge baǵyttaldy. Aqsha naryǵyndaǵy mólsherlemeler paıyzdyq mólsherlemelerdiń jańartylǵan dáliziniń joǵarǵy shegine jaqyndap, 13,48%-ǵa jetti. Ulttyq Bank bankterge kólemi shekteýsiz ótimdilik berý boıynsha operasııalardy kún saıynǵy negizde júrgizedi.

Saýdanyń syrtqy talaptarynyń kúrt ózgerýi jáne shetel valıýtasy usynysynyń tapshylyǵy talaptarynda valıýta naryǵyndaǵy jaǵdaıdy turaqtandyrý úshin Ulttyq Bank jekelegen kezeńderde jalǵyz satýshy bola otyryp, valıýtalyq óktemdikter júrgizdi. Atap aıtqanda, 2020 jylǵy 10 naýryzda baǵamnyń negizsiz qubylmalylyǵyn boldyrmaý úshin valıýtalyq saýda-sattyqta frankfýrttyq aýksıon ádisi iske qosyldy. Ulttyq Bank kvazımemlekettik sektordyń, ekinshi deńgeıdegi bankterdiń jáne aıyrbastaý pýnktteriniń valıýtalyq operasııalaryn úılestirdi jáne monıtorıng júrgizdi. Bul ózgergen syrtqy jaǵdaılardyń teńgeniń aıyrbastaý baǵamyna teris áserin tómendetýge múmkindik berdi, ol 2020 jylǵy 6 – 13 naýryz aralyǵynda bir AQSh dollary úshin 405,62 teńgege deıin 6,1%-ǵa tómendedi.

Ulttyq Bank jahandyq ekonomıkanyń damý perspektıvalarynyń aıtarlyqtaı nasharlaýyn, suranystyń tómendeýin jáne álemdik taýar naryqtarynda qubylmalylyqtyń kúsheıýin jańa ekonomıkalyq shynaıylyq retinde qarastyrady. Qalyptasqan jaǵdaıdy taldaý negizinde Ulttyq Bank Brent surypty munaı baǵasynyń bir barrel úshin 60 AQSh dollarynan 35 AQSh dollaryna deıingi budan bylaıǵy serpini týraly paıymdaýyn qaıta qarady. Baǵalardyń jańa deńgeıi boljamdyq kezeńniń sońyna deıin bazalyq ssenarıı retinde qarastyrylady. Damýdyń ssenarıılik nusqasynyń nasharlaýy ınflıasııanyń 2020 jyly nysanaly dálizdiń joǵarǵy shegine shyǵý táýekelin arttyrdy.

Qazirgi sátten bastap jańa irgeli jaǵdaılardy eskere otyryp, Ulttyq Bank erkin baǵam belgileý jáne ınflıasııalyq targetteý saıasatyna sáıkes tepe-teń baǵamnyń qalyptasýyna yqpal etýge nıettenip otyr.

Ulttyq Bank ishki qarjy naryǵyndaǵy jaǵdaıdy budan ári turaqtandyrýǵa qajetti quraldarǵa ıe. Qajet bolǵan jaǵdaıda, syrtqy sektor tarapynan teris saldarlardy tejeý úshin Qarjy naryǵyn retteý jáne damytý agenttigimen birlesken jáne úılestirilgen sharalar qabyldanýy yqtımal. Ulttyq Bank jaǵdaıǵa monıtorıng júrgizýin jalǵastyrýda jáne irgeli faktorlardyń qoldanylýyn kórsetpeıtin jáne qarjylyq turaqtylyqqa qaýip tóngen jaǵdaılarda baǵam aýytqýlaryn retteý quqyǵyn ózine qaldyrady.

Álemdik ekonomıkadaǵy ahýal nasharlaǵan jaǵdaıda baǵa turaqtylyǵyn, eldiń valıýta naryǵyndaǵy jáne qarjy naryǵyndaǵy jaǵdaıdy ustap turý úshin qosymsha sharalardyń qabyldanýy múmkin. Qazaqstan Respýblıkasy Ulttyq Bankiniń bazalyq mólsherleme boıynsha kezekti josparly sheshimi 2020 jylǵy 27 sáýirde Nur-Sultan qalasynyń ýaqyty boıynsha saǵat 15:00-de jarııalanatyn bolady.

Sońǵy jańalyqtar

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Uqsas jańalyqtar