Aımaqtar • 16 Naýryz, 2020

Jambyl óńirindegi nysandarǵa monıtorıng júrgizildi

16 retkórsetildi

Búginde álem halyqtarynyń alańdaýshylyǵyn týdyryp otyrǵan koronavırýs aýrýynyń aldyn-alý maqsatynda elimizde de keshendi sharalar qabyldanýda. Memleket basshysy Qasym-Jomart Toqaev koronavırýsqa baılanysty elimizde tótenshe jaǵdaı jarııalady.

Saqtyq sharalary Áýlıeata óńirinde de bastalyp ketti. Bul rette Jambyl oblysynyń ákimi Berdibek Saparbaevtyń tapsyrmasymen qurylǵan mobıldik toptyń is-qımyl algorıtmine saı, oblys ákiminiń orynbasary Erjan Jylqybaev bastaǵan atalǵan top músheleri óńirdegi birqatar nysandardyń koronavırýsqa qarsy daıyndyǵyna monıtorıng júrgizdi.

Mobıldik toptyń músheleri áýejaı men temirjol beketterine, Halyqqa qyzmet kórsetý ortalyǵy men iri saýda oryndaryna arnaıy bardy. Olar memlekettik bas sanıtarlyq dárigerdiń qaýlysyna saı, kópshilik is-sharalardyń ótkizilmeýin qadaǵalaý, qoǵamdyq kólikter men aıaldamalardyń, halyq kóp shoǵyrlanatyn jerlerdiń dezınfeksııalanýy, qol jýatyn sýsabyn jáne taǵy da basqa jeke gıgıenalyq zattardyń bolýy, qoǵamdyq jerlerde aqparattyq-anyqtamalyq materıaldardyń ornalasýy sekildi jumystardy tekserdi. Nysandardy aralaý barysynda halyq kóp shoǵyrlanatyn «Mart» saýda keshenindegi kınoteatr, konkı alańy men balalar oıyn alańynyń jumysy ýaqytsha toqtatyldy. Al, áli kúnge deıin jumys istep turǵan  «Astana park» kınoteatrynyń ákimshiligine jumysyn toqtatý týraly eskertý berildi. Sondaı-aq kásipkerlik nysandary, atap aıtqanda toıhanalar men meıramhanalardyń ıelerine túrli jıyndar men basqosýlardy ótkizbeý tapsyryldy. Jolaýshylar tasymalymen aınalysatyn mekemeler de qoǵamdyq kólikterge de jıi dezınfeksııalyq tazalaý jumystaryn bastady.

Búgingi tańda Taraz qalasynda 10 mekeme 670 birlik avtobýspen jolaýshylar tasymaldaýmen aınalysady desek, olarǵa 2000 dana jadnamalar taratylyp, jumyskerler arasynda túsindirme júrgizildi. Avtosalondarǵa bıýlletender ilindi.

 

Jambyl oblysy

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar