Aımaqtar • 16 Naýryz, 2020

Taraz: Qant pen kartop baǵasynyń qymbattaǵany anyqtaldy

377 retkórsetildi

Jambyl oblysynyń ákimi Berdibek Saparbaev Taraz qalasyndaǵy «Korzınka», «Firkan» jáne «Mart Magnat» sekildi iri saýda jelileriniń dúkenderinde bolyp, mundaǵy áleýmettik mańyzy bar azyq-túliktiń baǵalaryn tekserdi.

Ákim tutynýshylarmen de kezdesip, olardyń oı-pikirlerin bildi. Sonymen qatar azyq-túliktiń jetkilikti deńgeıde qamtylý barysyna, usynylyp otyrǵan taýarlardyń túrlerine, onyń ishinde jergilikti óndiristiń úlesine aıryqsha kóńil bóldi. Jambyl oblystyq kásipkerlik jáne ındýstrıaldy-ınnovasııalyq damytý basqarmasyna azyq-túlik taýarlarynyń qala bazarlaryna úzdiksiz jetkizilip otyrýyn baqylaýda ustaýdy tapsyrdy.

Kezdesý barysynda Tarazdaǵy atalǵan saýda oryndarynyń ákimshilikteri búgingi kúni sóreler azyq-túlikke toly ekendigin, dúrligý men uzyn-sonar kezektiń baıqalmaıtynyn atap ótti. Monıtorıng tobynyń málimetterine súıensek, áleýmettik mańyzy bar taýarlardyń baǵasy turaqty. Degenmen qant pen kartop baǵasynyń shamaly qymbattaǵany anyqtalǵan.

Sondaı-aq Berdibek Saparbaev oblystyń turaqtandyrý qorynyń azyq-túlik taýarlary saqtalatyn «Atyǵaeva» jeke kásipkerliginiń qoımalaryna bardy. «Taraz» áleýmettik-kásipkerlik korporasııasynyń basqarma tóraǵasy Núrken Shárbıevtiń aıtýynsha, Jambyl oblysynyń turaqtandyrý qorynda búginde 2 974 tonna birinshi surypty un, 63 tonna kúrish, 54 tonna qaraqumyq, 18 tonna ósimdik maıy, 537 tonna kartop, 563 tonna pııaz, 193 tonna sábiz, 2 644 tonna qant saqtaýly eken. Atalǵan qordyń ónimderi 11 saýda núktelerinde jáne qalanyń 8 áleýmettik pavılondarynda tómendetilgen baǵamen satylady eken. Biraq, Núrken Shárbıevtiń baıandamasyna qanaǵattanbaǵan Berdibek Saparbaev shynaıy jaǵdaıdyń basqasha ekendigin, keıbir áleýmettik mańyzǵa ıe azyq-túlik baǵasynyń ósýine qatysty faktilerdiń rasynda bar ekenin aıtty. Sonymen qatar, ákim «Taraz» ÁKK basshysyna turaqtandyrý qorynyń azyq-túligi satylatyn barlyq áleýmettik dúkenderdiń jumysyna arnaıy baryp, baqylaý júrgizýdi tapsyrdy.

1

Sondaı-aq Berdibek Saparbaev qalanyń birneshe dárihanasynda da boldy. Dárihanalarda dezınfeksııalaý quraldary men medısınalyq maskalar bar bolǵanymen de, olardyń da quny negizsiz joǵarylaǵany belgili boldy. Berdibek Saparbaev Jambyl oblysynyń aýmaǵynda medısınalyq buıymdar shyǵaratyn kásiporynnyń jumys isteıtinin, onyń múmkindigi óńirdi medısınalyq maskalarymen tolyq qamtamasyz etýge jetetinin atap ótti. Osy oraıda oblys basshylyǵy baǵanyń alypsatarlyq negizde ósýine jol bermeý boıynsha qatań sharalar qabyldanatynyn jetkizdi.

 

Jambyl oblysy

Sońǵy jańalyqtar

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar