Qaraǵandy oblystyq densaýlyq saqtaý basqarmasy bergen resmı aqparatqa súıensek, keshegi kúnge deıin óńirde koronavırýs indetin juqtyrǵan bir de bir adam tirkelmegen. Tek, kúdikke ilikken 34 adam stasıonarlyq karantınge jatqyzylypty. Dárigerlerdiń aıtýynsha, olardyń hal-jaǵdaılary jaman emes eken, qudaıǵa shúkir, aýrýdyń belgileri anyqtalmaǵan.
Mamandar karantın degenniń óziniń birneshe bólikten turatynyn aıtady. Máselen, vırýs juqtyrǵan adammen qandaı da bir baılanysta bolǵan nemese Iran men Italııa sııaqty 1A sanatyna jatatyn elderden kelgen azamattar táýlik boıǵy baqylaýǵa alynatyn kórinedi.
Qazirgi tańda stasıonarlyq karantınde jatqan qaraǵandylyqtardyń barlyǵy Italııadan ushaqpen birge ushyp kelgender eken. Aýrýhanalarda olar úshin jańa jıhazdar men tósek oryndary alynǵan. Palatalar qol jýǵysh, sabyn, sanıtaızer, antıseptıkpen jáne basqa da qajetti zattarmen tolyq qamtamasyz etilipti. Al ishinde dárethanasy joq palatada jatqandar tysqa medısınalyq qyzmetkerlerdiń baqylaýymen keste boıynsha shyǵyp turady.
Oblystyq densaýlyq saqtaý basqarmasy men óńirdegi eń iri dárihanalar jelisi bar «Bıosfera» kompanııasy arasynda kelisim jasalyp, sonyń nátıjesinde kásiporyn oblys turǵyndary úshin 300 myń medısınalyq maska satyp alypty. Kompanııa elimizde jasalǵan bul ónimderdi ústine bir tıyn da qospaı, árqaısyn 130-140 teńge aralyǵyndaǵy baǵaǵa satatyn boldy. Sondaı-aq jergilikti «Mereı» kompanııasy da maska jasap, áleýmettik dárihanalardy betperdemen qamtamasyz etip jatyr.
Aıta ketý kerek, Qaraǵandyda vırýsologııalyq zerthana jumys isteıdi. Eger de biz sóz qylyp otyrǵan indetke tán qandaı da bir belgi anyqtalatyn bolsa, onda ondaı naýqas koronavırýstyq test júıesinen ótkiziledi. Iаǵnı, kúdik týdyrǵan adamnyń jutqynshaǵy men muryn qýysynan juǵyndy alynyp, ol zerthanada tekseriledi. Al tekserý qorytyndysy kúmán týdyrarlyq bolsa, onda analız birden Nur-Sultan qalasyndaǵy saraptamalyq zerthanaǵa jiberiledi.
Qazirgi tańda oblystaǵy medısınalyq qyzmetkerler qashyqtan oqytý tártibine kóshirilgen, olar kún saıyn selektorlyq rejimnen ótip turady. Alda-jalda aýrýdyń oshaǵy shyǵa qalǵan jaǵdaılar bolyp jatsa, ol jerlerge jedel jetetin brıgadalar da jasaqtalǵan. Sondaı-aq oblysta naýqastardy tasymaldaýǵa arnalǵan eki arnaıy kapsýla da bar ekenin aıta ketken lázim.
Oblystyq densaýlyq saqtaý basqarmasynyń basshysy Erjan Nurlybaevtyń aıtýynsha, ázirge óńirdegi emhanalar qalypty rejimde jumys istep tur. Eger ótinishter kóbeıetin jaǵdaı týyndaı qalatyn bolsa, dárigerler adamdardy demalyssyz qabyldaýǵa saqadaı saı eken. Búgingi kúnde stasıonarlarda naýqastarmen kezdesýge ýaqytsha shekteýler qoıylǵan. Mysaly, egde adamdarǵa emhanalarǵa barýdyń qajeti joq, olarǵa tıisti dári-dármekterdi dárigerlerdiń ózderi turǵylyqty jerlerine jetkizip beredi.
О́ńirde dári-dármek jaǵynan da tapshylyq joq degendi aıtty vedomstvo basshysy. Oblystyq densaýlyq saqtaý basqarmasy aldaǵy eki aıǵa jetetin dári-dármek satyp alǵan.
Jaman aıtpaı, jaqsy joq, eger vırýs juqtyrǵandar sany kóbeıetin bolsa, bul tyǵyryqtan shyǵýdyń amaly da qarastyrylyp qoıylǵan eken. Mysaly, óńirdiń iri kásiporyndary qajet bolǵan jaǵdaıda qala syrtynda ornalasqan ózderine tıesili shıpajaılar men saýyqtyrý oryndaryn karantın uıymdastyrýǵa beretin bolǵan.
Dáriger mamandar koronavırýs sııaqty sýmaqaı aýrýǵa qarsy turatyn kúshtiń biri adamnyń salaýatty ómir saltyn saqtaýy degendi aıtady. Naqtyraq aıtqanda, durys tamaqtanyp, tánin sergek qalpynda saqtap júretin adamdardyń kez kelgen keselmen kúresetin ımmýnıteti kúshti bolady eken. Sonan soń, árıne, jeke bastyń tazalyǵyn esten bir sát te shyǵarýǵa bolmaıdy.
Mine, osy jáne joǵaryda aıtylǵan saqtyq is-sharalary tolyqtaı saqtalǵanda ǵana atyń óshkir indetti el ishine taratpaı, ininde tunshyqtyrýǵa múmkindik týar edi degendi aıtady dáriger mamandar.
