Aımaqtar • 16 Naýryz, 2020

SQO-da jyl basynan beri 68 ınternet-alaıaqtyq tirkelgen

13 retkórsetildi

Internet – alaıaqtyq shemalary da qazir jetildirilýde. Ondaıdy tipti tanystar men áriptester de jasaıtyn bolyp barady. Jýyrda bank salasynda qyzmet etetin 23 jasar Petropavl turǵyny nesıege jıhaz almaq bolyp barsa úsh aı buryn óziniń atyna 225 myń teńgeniń zaemy «alynǵanyn» bilip, shoshyp ketedi. Jumystaǵy áriptesi kýálik jáne bank kartochkasynyń nomerin bilip alyp, onyń atyna zaem rásimdegen eken.

Al karta men kýáliktiń nómirin bilý úshin ol áriptesin aldap, óziniń kartochkasy buǵattalǵanyn, al atyna 225 myń teńge týystarynan túsýi kerektigin aıtyp, nómirlerdi suraǵan. Kóp keshikpeı atyna túsken zaemdy aqkóńil jigit dereý áriptesiniń atyna aýdarǵan.  Sóıtse, bul aqsha óziniń atyna rásimdelgen zaem bolyp shyqqan...

Osy alaıaqtyqty jasady degen kúdikpen qazir Ýálıhanov aýdanynyń 25 jasar turǵyny ustaldy. Qazir onyń basqa da adamdardy da aldaý múmkindigi anyqtalýda. Qazirdiń ózinde ol taǵy bireýdiń atyna 190 myń teńge rásimdep, jymqyryp ketkeni belgili bolyp otyr.

«Eshqandaı artyq kedergilersiz jáne qujattarsyz jedel mámile jasaımyz» degen mıkronesıelik uıymdardyń jarnamalary aqyrynda osyndaı alaıaqtyqtarǵa da jol berip otyr. Bar bolǵany kýálik pen bank kartochkasynyń nómirin berse boldy, alaıaqtar zardap shegýshiniń atyna zaem ala beredi eken.

SQO PD Krımınaldyq polısııa basqarmasynyń bastyǵy, polkovnık Petr Klımovtyń aıtýyna qaraǵanda jyl basynan beri 68 alaıaq osyndaı jolmen ózderiniń áriptesterin, tanystaryn, týystaryn aldap ketken. Sonyń ishinde 24-i onlaın-nesıelendirý jolymen jymqyrylǵan qarajat. Bul byltyrdyń sáıkes merzimimen salystyrǵanda úsh ese kóp.  «Eshqashan, eshqandaı jaǵdaıda eshkimge ózderińizdiń personaldyq derekterińizdi bermeńizder, kýáliktegi fotolaryńyzdy vatsappen jibermeńizder,  pın-kodtaryńyz ben esepshottaryńyzdyń nomerin bere kórmeńizder», deıdi ol.

Soltústik Qazaqstan oblysy

Sońǵy jańalyqtar

Taraz qalasy karantınge jabylady

Aımaqtar • Búgin, 21:48

Asqar Altaı. VIRÝS-MÝTANT (Novella)

Ádebıet • Búgin, 19:07

Tankerlerdiń qaıda baratyny belgisiz

Ekonomıka • Búgin, 18:32

Ár teńge úshin esep berýge daıynbyz

Ekonomıka • Búgin, 17:01

Esik nege «tesik»?

Qoǵam • Búgin, 15:25

Betperde kıgen kóktem - 5

Qoǵam • Búgin, 15:10

Qyzylorda oblysy: Taǵy 3 adam vırýs juqtyrdy

Koronavırýs • Búgin, 13:31

COVID-19 vırýsy mysyqtan tabyldy

Álem • Búgin, 12:03

Syrdarııaǵa jylanbalyq qaıdan kelgen?

Aımaqtar • Búgin, 11:32

Koronavırýs hám kóshe sýretteri

Álem • Búgin, 10:51

Uqsas jańalyqtar