О́z sózinde Jambyl oblysynyń ákimi Berdibek Saparbaev adamdar kóp jınalatyn jerlerde, qoǵamdyq tamaqtaný oryndarynda, saýda ortalyqtary men memlekettik mekemelerde dezınfeksııa deńgeıin kúsheıtýdi tapsyrdy. Sondaı-aq óńirde sanıtarlyq-epıdemıologııalyq normalardyń saqtalýyn baqylaýdy úkimettik emes uıymdardyń ókilderi, ardagerler men volonterler tartylǵan mobıldi jumys toby júrgizetin bolady.
Budan basqa, shekara mańyndaǵy pýnktterde baqylaýdy kúsheıtý, al memlekettik organdarda ótkiziletin keńesterdiń sany men olardyń qatysýshylarynyń sanyn azaıtý qajettigi aıtyldy. Al, azyq-túlik qaýipsizdigin qamtamasyz etýge nazar aýdarǵan Berdibek Saparbaev óńirde keıbir áleýmettik mańyzy bar azyq-túlik taýarlary baǵasynyń ósýi baıqalatynyn atap ótti.
«О́tken keńeste jaýapty basshylarǵa áleýmettik mańyzy bar taýarlardyń baǵasyna kúndelikti monıtorıng júrgizý, olardyń negizsiz ósýine jol bermeý týraly tapsyrma berilgen bolatyn. Búgingi tańda olardyń baǵasynyń ósýine eshqandaı negiz joq. Alaıda qolda bar aqparat boıynsha keıbir saýda nysandarynda kúrish, qant jáne áleýmettik nan baǵasy qymbattaǵan. Bul osy baǵyttaǵy jumystyń tıisti deńgeıde júrgizilmegendigin kórsetedi», dedi ákim.
Osy máselege baılanysty Berdibek Saparbaev óziniń orynbasarlary Murathan Shúkeev pen Nurjan Kalenderovke saýda núkteleriniń, bazarlar men kókónis qoımalarynyń jumysyn arnaıy tekserýdi, áleýmettik mańyzy bar ónimderdiń qymbattaýy men tapshylyǵyna jol bermeýdi tapsyrdy.
Jambyl oblysy
