Qoǵam • 16 Naýryz, 2020

Elordada qandaı qyzmetterdi onlaın alýǵa bolady?

16 retkórsetildi

Elimizde koronavırýstyq ınfeksııanyń taralmaýy jónindegi sharalardyń qabyldanýyna baılanysty azamattar memlekettik qyzmettiń 100-den asa túrin úıden shyqpaı alýyna bolady. Bul týraly elorda ákiminiń orynbasary Malıka Bekturova Telegram kanalynda málimdedi.

- Qurmetti turǵyndar, elimizde koronavırýstyń taralmaýy jónindegi arnaıy sharalardyń qabyldanýyna baılanysty qoǵamdyq oryndarǵa barýdan aýlaq bolý usynylady. Sondyqtan sizge keıbir qyzmetterdi    onlaın alýǵa bolatyndyǵyn eskertemiz. Mysalǵa, siz www.iqala.kz portalynda úıden shyqpaı-aq jaryq, sý, elektr, telefon jáne qyzmetterdiń 100-den astam túrlerin qosýǵa kelisim-sharttarǵa qol qoıýǵa bolady, - dedi Malıka Bekturova.

Sonymen qatar Iqala portalynda turǵyndarǵa lıft pen kólik kartalaryn toltyryp, kommýnaldyq qyzmetterge aqy tóleýge, kólik salyǵyn esepteýge, sý eseptegishterdiń kórsetkishterin tekserip, qaıyrymdylyqqa salym jasaýǵa múmkindik jasalǵan.

Al Smart Astana qosymshasynda karantınge qatysty barlyq aqparatty alýǵa bolady. Odan bólek, e.astana.kz portalynda onlaın rejıminde balany kezekke qoıýǵa nemese onyń qozǵalysyn qadaǵaýǵa, PMPK emtıhanyna tirkelýge nemese baqshadan oryn alýǵa bolady.

- Qurmetti turǵyndar, sıfrlyq qyzmetterdi paıdalanyńyz, ózińizge jáne jaqyndaryńyzǵa qamqorlyq jasańyz, qoǵamdyq oryndarǵa barýdy barynsha azaıtyńyz, Densaýlyq saqtaý mınıstrliginiń usynystaryn oryndańyz jáne denińiz saý bolsyn! - dep jazdy Malıka Bekturova.


Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar